altamimi82
02-03-2022 - 11:43 pm
بسم الله الرحمن الرحيم
مرحبا ملاين ولا يسدن او تشاو * 1000000 بالايطالي ههه
اخوان واخواتي توني واصل ميلانو من نص ساعه عن طريق البر (بالقطار من جينيف) واستغرقت الرحله 4 ساعات و 25 دقيقه
انا حاجز في فندق اسمه Hotel Baviera الفندق 4 نجوم وطلع نظيف الحمد الله
وسعره ,,ببلاش الصراحه
انا حاجز غرفه سنقل ,لشخص واحد (انا مسافر لوحدي) ب 55 يورو في الليلة يعني 280 درهم تقريبا وحجزت عن طريق موقع بوكنج دوت كوم
اول ما لقيت الفندق وحجزت – خفت احطه في المنتدى ويطلع مش نظيف او ....
بس الحمد الله توني واصل وتاكدة بنفسي من الفندق وعجبني ...
و اهم شي انه يبعد عن ساحة الدوام مسافة 1 كيلو متر و 500 متر عن شارع Monte Napoleone مكان التسوق ومحلات الماركات
بعدني ما طلعت من الفندق
بعد ساعه بطلع بستكشف المنطقة وبعطيكم العلوم والاخبار
وهذي بعض الصور (على الماشي)
الفندق
اللوبي
الممرات
غرفتي
الحمام (الله يعزكم)
لا بيعطونكم سيكل (بالمجان ههه)
سيكل راعي الدكان عندنا احلى ههه
وهذا موقع الفندق على الانترنت
http://www.hotelbaviera.com/ingl/index.htm
اي استفسار انا حاظر
واجازه سعيده للجميع
وهاذي التقارير اللي اول بأول اللي توسع الخاطر
الفندق حلو وموقعه احلى
وننتظر باقي التقرير الله لا يهينك
وتمتع بغيوم ميلانو