اخوى ماوضحت انت بتسافر انت وحدك ولا معاك العائله بعدين المبلغ يشمل التذكره ولا بدون بعدين ماتشوف ان عشرة ايام فى كوالا كثيره وزعها بين لنكاوى وبينانج وكوالا اكيد بيكون افضل .وجاهزين لاى استفسار .تحياتى

معليش وضح اكثر الميزانية هاذي تبع ايش فنادق بس او مع التذاكر او ايش بالضبط

حدد الوقت وانا اخوك...
اذا خلال الشهرين القادمين اتوقع تذاكر عبر السعودية تكلفك 6200 + 2800(الباقي) = 9الاف
اذن 2800 تقسيم 9 ليالي = 311 وهي تكلفة الليلة في اي فندق محترم
الحاصل نعم تستطيع السفر بهذا المبلغ ولا يحطموك
اما بخصو فندق فيدرال فهو نهاية شارع العرب 4 نجوم يقولوا جيدا جدا ..
ترايدز ممتاز 4 نجوم بمواصفات 5 نجوم فخم .. بالقرب من فندق مندرين اورنتيل...
رحلة موفقة ..

ah_mink
يقدر ينطلق كل يوم من كوالا الى ...

• جنتنج هايلند نهار..
• صن واي لاقون نهار
• الفراشات وماحولها نهار
• الشلالات نهار
• الاسواق نهار
• ماينز وندر لاند نهار
• راحه نهار
• حديقة بوتراجايا نها + منطقة الفراشات المضيئة ليلا روعه جدا..

وهكذا... ليس بضروري الجزر البعيده كوالا متعددة المزايا .. واذا الميزانية لا تسمح بالتنقلات .. ليس بالضروري الذهاب بالطائرة يستطيع السفر بالباص 4-6 ساعات ب 25 رنقت الى بيننق ومن ثم الى لانكاوي..والله ولي التوفيق..

شوف انا حصلتلك حجز انا طبعا حطيت تاريخ وهمي ما اعرف متي سفرك شوف قلى ويش رئيك طيران مع الفندق لمدة اكثر من عشر ايام http://go.travelpn.com/trips/ClarifySearch.do?SEQ=11797985646374212007&pathIndicator=&affiliateId=10013713&subAffiliateId=none

الله يوفقك اخوي..
بس انا ارشح تريدرز لانه جديد وارقى من فيدرال (فيدرال هو اول فندق بكوالالمبور حسب ما فهمت )
يعني قديم

أنا أرشحلك فندق استانا سعر الليلة أقل من 300 ريال مع الإفطار
فندق مجدد العام الماضي وأنا جربته رائع جداً
وموقعه مميز وهاديء وقريب من شارع العرب
الزيارات أنصحك تاخذ ملف أبو لينا أو الماهري
فيها كل الأماكن السياحية بكوالالمبور
حدد إنت والمدام برنامجكم اليومي حسب الجو والمزاج

اخوي ah_mink
شكراً على حرصك واهتمامك
وبالنسبة للسفر راح يكون شخصين انا والمدام حرسها الله
واما المبلغ فهو شامل (التذاكر+ الفنادق)
والعشرة ايام ودي اقضيها في كوالا لان بينانج رحت لها العام الماضي في شهرالعسل وماهي حلوة بذيك الدرجة وفنادقها غالية واحسن مافيها البحر
وانت عارف التنقل بالتاسكي او الطائرة راح يكلف
والميزانية محددة
اختي نجمة النجوم
ميزانيتي شاملة ( تذاكر الطيران + الفنادق ) طبعاً بدون المصاريف
وشكراً على حرصك وانتظر ردك
اخوي candle
اشكرك على رفع معنوياتي
واشكرك على التقسيم الرائع لكن جنتنق وصن واي والفراشات والاسواق رحت لها وهل ترى اروح لها ثانية مع اني مامليت منهن
وش رايك اروح افاموزا وارجع بنفس اليوم
واروح كاميرون وارجع بنفس اليوم
وكم تكلف الرحلة لهن
ورحلة بينانج ولنكاوي شكلها متعبة 4-6 ساعات بالباص
وانت وش قصدك اوح وارجع بنفس اليوم او لا
اخوي mzen2100
شكراً على جهدك
وماقصرت بس اني دخلت على الرابط وحصلته E
وسفرتي حتى الآن ماادري وش يصير عليها لاني محتار مرة والظاهر اني ابستخير
والاكيد انها في شهر 7 ميلادي
لاني عندي حجزين الاول ( الرياض.كوالا.الرياض)
والثاني (الدمام.كوالا.الدمام)
بس الحجز حتى الآن انتظار
اخوي مسافر مختب
شكراً لك اخي على ترشيح ترايدرز
بس المشكلة سعره لاني سألت مكتب سياحي وقال 470 ريال على البرجين
والصراحة ودي اسكن فيه ليلتينبس خايف على الميزانية
470×2= 940
وش رأيك؟
واما فندق فيدرال شفت له صور وشكله مناسب لذوي الميزانية المحدودة
وقال لي المكتب ان سعره 255 غرفة عادية 255×9=2295ريال
والغرفة الديلوكس 300ريال 300×9=2700
وش رأيك اجزم عليه واذا جزمت آخذغرفة عادية او ديلوكس
ارجو ابداء توجيهاتك عاجلاً
اخوي مهند96
احب اشكرك على الاهتمام بموضوعي
وبخصوص استانا اشوف بعض الاعضاء يسبونه
وبالنسبة ملف الماهري فهو موجود عندي وقد استفدت منه كثير
واغلب الموجود فيه رحت له
وش رايك ؟
وهل ملف الماهري يختلف عن ملف ابو لينا ام لا ؟
انا بانتظار توجيهاتكم وآرائكم
صديق الكل

أنا أنصح انك تغير الوجهه من ماليزيا الى مكان اخر . لأن اسعارهم هالسنه نار وانت رايح العام الماضي ما أمداك نسيت.
أنصحك بالهند التذاكر أرخص 2300 الشخص الواحد يعني 4600 للاثنين يبقى 4400 تعيشك ملك 10 ايام بالهند.
يوجد موضوع في بوابة الهند وسيريلنكا للكاتب الباخص لا يفوتك تنعاف ماليزيا عقبه.
اتمنى لك السعادة والتوفيق اخي الكريم