أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
الأخت الفاضلة .. سارة
حياك الله .. وياهلا فيك
مبدئياً المبلغ ماظنتي يمشي معك
لكن نقول نحاول .. و .. نتفاءل خير
طيب بسألك إنتي وين .. بالسعودية
وين بالظبط في اي مدينة ؟
أنا بحاول أساعدك على قد ماقدر
والباقين مارح يقصرون إن شاء الله
حددي وش تحتاجين بالظبط وحددي المدة
لاتقولين يمكن 10 او 12 يوم ابيها بالتحديد
والمدة من تاريخ كم .. لتاريخ كم وبالميلادي
لأن في فرق بأسعار التذاكر في كل فترة ف ياليت تحددي الوقت
والإثنين اللي بيسافرون كلهم بالغين .. ؟ ولا معكم طفل ؟
بإنتظار أجوبتك ..
حياك أختي .. سارة عندك ثلاث دول البعض منها رشحها لك الأخوات .. و .. الإخوان الكرام وهي .. اسبانيا .. النمسا .. و اضيف عليها .. تركيا أنصحك بعمل التالي لتسهيل مهمتك 1- حاولي تزوري بوابات هذي الدول لتتعرفي عليها أكثر بمعنى خلي يوم لكل دولة .. جهزي ورقة وقلم وإكتبي الشئ إللي لفت نظرك في كل دولة على حدا وأهم فنادقها 2- إدخلي على مواقع حجوزات الطيران وإختاري كل دولة على حدا وشوفي اسعارهم بالفترة إللي حددتيها علشان يكون عندك فكرة عن أسعار التذاكر 3- إدخلي موقع booking.com لحجوزات الفنادق طبعاً بعد ماتكوني حددتي تاريخ سفرك و عودتك بالميلادي وبالظبط وشوفي الفنادق إللي سعرها راح يناسبك وكمان إكتبي اسماء الفنادق بكل دولة من الدول اللي ذكرناها وإللي تشعري إن اسعارها مناسبة لك بعد هذا كله راح تقدري تحددي وجهتك بسهولة وتقرري بكل بساطة بعد ماتكوني جمعتي اكبر عدد من المعلومات عنها راح تنحصر عندك الإختيارات .. وتكوني قادرة على تحديد رغبتك بعد كذا لو واجهك اي سؤال تقدري تطرحيه والكل ماراح يقصر راح يساعدك فرضاً .. قررتي .. تركيا .. راح تتوجهي بعدها للبوابة التركية وتتطلعي على التقارير وتستفيدي أكثر .. وقيسي عليها بقية الدول المرشحة بكذا راح توصلي لحل يرضيك .. ملاحظة .. تركيا فيزتها من نفس البلد في المطار بعد وصولكم يعني مارح تتعبي في حكاية الفيزة والقرار النهائي لكِ لاتنسي قبل هذا كله .. توكلي على الله وإستخيري وأي سؤال حياك لاتتردي ابداً .. الكل راح يساعدك بإذن الله موفقة يارب
اختي انا اشوف اسبانيا انسب لك لانها مب غالية وايد مثل بقية الدول
واهم شي ثلاث دول ابعدي عنهم وهم لندن وباريس وسويسرا لانهم اغلى دول اوربا
اما اسبانيا فسعارها حلوة والوقت الي بتروحون فيه مناسب وان شاءالله لو حجزتو بدري راح اتكفي الميزانية
عشان نشوف كم بتكون التذاكر
للامانه مبدئيا المبلغ مايكفي حتى لو كنتوا شخصين اذا كان شامل كل شي
موفقه