ذويق
06-04-2022 - 09:23 pm
سلام عليكم ,
ان شاء الله راح اتزوج بشهر 10 هجري ثاني ايام العيد و يمكن بعدها بكم يوم بروح اخذ لي اسبوعين عسل في دبي ...
بحكم اني طالب و هذه الزيارة الاولى لي لدبي واهلها و الثانية لي خارج المملكة (الاولى للاردن مع الاهل )
ميزانيتي بحدود ال10 الالف ريال سعودي ...
صراحة ودي انبسط بهالفترة ولا ابي اضيع كامل الميزانية على فنادق و غيرها وبالاخير ما راح استفيد من هالفنادق غير اني انام فيها وبس ... اتوقع ان جزء كبير من سفرة الواحد راح يقضيه خارج مكان اقامته فهذا مبدئي ليش ادفع مبالغ خيالية على السكن ؟ المفروض ان هالمبلغ استغله بالتمشيات و الاماكن الحلوه و تتعدد اماكن النوم و النوم واحد :wink::tongue:
فهل اجد فنادق اسعارها معقوله ؟
سمعت ان فيه شقق اسعارها حلوه وارخص بكثير من الفنادق .. هل هذا صحيح ؟ ووين وكيف ممكن احصلها ؟ وايش افضل اماكن الشقق بدبي بحيث تكون قريبه من الاسواق و البحر ؟
سؤال دائما يشغلني ... الحمدلله نحن محافظين ... هل اجد اماكن خاصة يقدر ياخذ الواحد راحته هو وزوجته ؟ يعني تكون المطاعم فيها اماكن مغلقة للعوائل ... مهو يقولي عوائل وتطلع خليطي !!
وجزاكم الله خير ...
وراح اتنور دبي واهلها
والميزانيه مناسبه ل شخصين
وتفكيرك جدا ذكي بخصوص مسألة الفنادق
حاول تصرف وتستمتع بفلوسك في اشياء ثانيه غير السكن
ولكن لا مانع من الاقامه في شقه نظيفه وجيده
وعندك عروض شركة عرب لينك : حجوزاتك الى الامارات مع عرب لينك https://artravelers.com/s/231
عروضهم جدا ممتازه
تابع القسم مالهم وراح تلاقي اللي يعجبك ان شاء الله
وهذا الدليل راح يفيدك اكثر : https://artravelers.com/p/re/295584
ونصيحه
بما ان سفرتك مطوله
خذ لك لفه في باقي اقسام الامارات
وبالتحديد روح على قسم التقارير المصوره
واستفيدك من مواضيع وتقارير الاعضاء هناك
وربي يوفقك
والسموحه منك