السلام عليكم
كم ميزانيه السكن اللي حاطينها عشان نرشح لك فندق مناسب؟
ال1000 ريال تقريبا كافيه باليوم للاكل و المصاريف ان شاء الله و تزيد
و سعر التذاكر مناسب جدا

بحدود الخمسة الاف ريال سعودي
للسكن
وركز الله يعافيك على موضوع النظافة وانه يناسب العوائل وفيه عرب
ويعطيك الف عافية

سعر المصروف اليومي جدا مناسب ويزيد بعد .. طبعا انت حاط هالمبلغ فقط تنقل والاكل . اذا هذا قصدك فا تطمن انه بزيد .
اما خمس الاف ريال في 8 ليالي اتوقع صعب اتحصل بهذا المبلغ سكن .
بس برشح لك ردسون لي قريب من شيرشل او تستل مربل ارش او هلتون متربول والاخير هذا يقع في اجور رود بس فندق رائع جدا وانصحك تسكنه لان سعره مناسب ويعتبر خمس نجوم وخاصه المبنى الجديد .
سعر تذكره خيالي واجد شخصين بهذي القيمه يا بلاش طبعا . واذا شخص واحد يعتبر مناسب بس هل هو دايركت (ماعتقد) اذا كان مو دايركت كم بتجلس في مطار عمان اذا اكثر من ساعتين حرام .
شوف الخطوط القطريه مسوين عروض قويه جدا وانصحك فيها بصراحه اذا الين الحين مادفعت ..

على طاري العماله فندق تستل واجد عرب فيه وخاصه الاستقبال (الرسبشن) والمدير المناوب مصري ايضا .
ومحترمين جدا ويوقفون بصف العربي وصار لي موقف مع الفندق وخذو حقي وزياده .
سبحان الله هالكلام من سنتين وكنت ناوي اتكلم في هالسالفه ونسيت والحين تذكرت السالفه ان شاء الله بكره بكتب السالفتي مع ادارة تستل مربل ارش ..

ردسون لي قريب من شيرشل او تستل مربل ارش او هلتون متربول
البرستيج كله
الف شكر
بس ممكن اعرف الاسعار
وميزانية ال 1000ريال باليوم شاملة الاكل والشرب والتنقل والتنزه فقط هل هي كافية

اخوي بتكفي وزود لا تحاتي اذا انتم شخصين . ولندن كا معيشه ارخيصه اغلى شي فيها سكن
وصدقني بجي لك ايام مب صارف اكثر 500 اذا كنت بعد تستخدم تكاسي ...
اما اسعار الفنادق ادخل اي موقع وانصحك في موقع بونكنج وشوف اسعارهم بتاريخ وصولك .