السلام عليكم ورحمة الله وبركاته..
اخواني وخواتي عندي استفسار يمكن يكون مطول لكني متاكدة مابتقصرون معاي..
نوينا انا وزوجي وبنتي (سنه ونص )ان نسافر تركيا بتاريخ 5\1\2013 حتى 12\1\2013 ان شاءالله..
المشكلة ان الميزانيه محدوده جدا..واتمنى انكم اتساعدوني بترتيب الميزانيه وترتيب جدول يومي..
مبدئيا قسمت الميزانيه كالتالي..واتمنى اشوف ارائكم فيها..واذا في اي تعديل..
تذاكر السفر على طيران الاتحاد (2 كبار+طفلة سنه ونص)= 3520 درهم
الفنادق 3 او 4 نجوم..وممكن تقترحون فنادق معينه=2800 درهم
المواصلات فالغالب بتكون ميترو او باص وممكن تاكسي=2000 درهم
المصروف اليومي (2كبار +طفله)=3500 درهم
المجموع=11820 وبالتقريب 12000 درهم
شورايكم؟؟ للعلم ماراح اشتري هدايا الا اشياء بسيطه جدا..يعني رايحين سياحه مش تسوق
وبالنسبه لجدول الرحلة اتمنى اتساعدوني فيه لان ماعندي خبره بافضل الاماكن في فصل الشتاء سواء في اسطنبول او بورصه او يلوا..
وايضا ابغي استفسر عن الاجواء في شهر واحد..كم درجات الحراره التقريبيه وهل في ثلوج..وشو نصايحكم لي بالنسبه للملابس بالذات ان معاي بنتي ..
ياليت لو اتحطولي خرايط للميترو والباصات واهم الاماكن لان اول مره استخدم المواصلات العامه فالتنقل واخاف يضيع الوقت وانا ادور من مكان لين مكان
بانتظاركم