السلام عليكم
انا من المتابعين للمنتدى وسجلت اليوم خصيصا عشان اقول لكم انطباعي على شركة lion's paradise travels وللاسف اتضح انهم يعاملون الجميع بنفس الاسلوب ( التصريف ) وسنجايا كبير المصرفين عندهم
رحلتي كانت لسيريلانكا والمالديف وترتيبات الرحلة كانت من خلال شركة lion's paradise travels
انا الحمد لله طحت في سواق ممتاز مع انه كان ياخذ عمولات وكان فازع مع الوكالة ، لكن نقدر نقول انه يحترم المواعيد لاني كنت اقول له بنطلع بكرة من 7 والحمد لله سبع الا ربع وهو عند الباب وكان مهتم فيني ويوخر عني الطرارين خ
المهم للاسف اتفقت مع الشركة انها ترتب لي جدول من 18 نوفمبر الى 1 ديسمبر يتضمن رحلة الى المالديف على الخطوط السريلانكية وارسلت لهم صور من تذاكر السعودية - كولومبو عشان يضبطون المواعيد
سانجايا كان هو اللي يرد على ايميلاتي ويتفاهم معاي وبعد ما اتفقنا ووافقنا على الاسعار وعلى كل شي قال لي تقدرين الحين تتفاهمين مع ( كيشاني ) اذا عندك اي استفسار ..
وقبل السفر بفترة قلت خلني ارسل لهم اشوف وش صار .. وتفاجات من الرد بعد يومين انهم لسى ما حجزوا السكن في المالديف والسبب انهم يحتاجون مني ادفع 25 % من قيمة السكن ..
قلت لهم ليه ما عطيتوني خبر من بدري !!! قالوا اذا ارسلتي الحين بيمدينا وكان التاريخ 6 اكتوبر حولت لهم 700 دولار وبعد يومين ارسلت اتاكد اذا وصلت قالوا ما جانا شي بس ترى لازم تحولين قيمة تذاكر المالديف كاملة !!!
قلت ليه ما قلتوا لي يوم الحوالة الاولى الحين ابضطر ادفع رسوم التحويل مرتين !!
قالوا ونزيدك من الشعر بيت جزيرة بارادايس في المالديف زحمة ومالك مكان لانك تاخرتي ( صرت انا اللي متاخرة ) فحجزنا لك على باندوس !! ( على كيفهم )
المهم توكلت على الله وحولت 560 دولار مرة ثانية في 10 اكتوبر وماعاد سمعت لهم صووت الين يوم السفر
ارسلت وش صار ؟! قالوا جتنا حوالة وحدة اللي في 10 اكتوبر اما الاولى ما وصلت !!!
قلت ليه قالوا انتي مرسلة على رقم حساب غلط !!
واروح اتاكد من رقم الحساب لقيت الثنتين رايحين لنفس الرقم الغلط ( وشلون وحدة توصل والثانية لا )
المهم راجعت انجاز قلت لازم اعدل الرقم قالوا اصلا احنا نعتمد على اسم المستفيد مو الرقم بس المهم لحد الان ما وصلتني ال700 دولار وما ادري هي في جيوبهم ولا متعلقة بين البنوك !!
ترى للحين ما قلت لكم المشكلة اللي صارت خ هذي المقدمة بس
سانجايا وعدني اكثر من مرة انه بيقابلني وكل مرة يتعذر بسالفة وكيشاني ماتعرف انجليزي واذا قمت اشرح لها واسرعت ضاعت وماعاد صارت تفهم علي
المشكلة ايش ؟!!!
رحلة العودة من كولومبو للسعودية كانت 1 ديسمبر 2010 ورحلة العودة من مالي ( المالديف ) لكولومبو كانت 2 ديسمبر !!!! يعني رحلة السعودية بتفوتنا هذا وانا مسوية سكان للتذاكر مالت عليهم
طبعا شرحت لها ان رحلة السعودية بتفوتنا قالت وش نسوي عاد تصرفوا
قلت ابتصرف بس ادفعي لي انتي فاتورة جوالي لاني ابكلم الخطوط اعدل الرحلة
وابكلم دوامي ودوام رجلي نعتذر عن الدوام قالت انتظري بيكلمك واحد ثاني
المهم كلمت الخطوط وعدلت رحلتي ل 2 ديسمبر وقعدت يوم زيادة في باندوس
يوم الرحلة اخذنا البوت ورحنا للمطار لنتفاجا ان الرحلة مكنسلة خ ولا احد عطانا خبر
حتى الفندق زعلوا ودقوا على الوكالة قالوا تعالو خذو ربعكم مرميين في المطار وما نقدر نسوي لهم شي ...
وش سوت الوكالة العزيزة ؟ ولا شي بس خلوا واحد اسمة سام يكلمني وانا افهمه ان الرحلة تكنسلت
وجدولي اتلخبط بسببكم لو ان كيشاني ما حاست رحلتي كان من 1 ديسمبر وانا في الرياض وهو يقول كل شي بينحل ماعليك انتي ارتاحي خ!!
سويت شوية زحمة في المطار وقلت وين مكتب الخطوط السريلانكية طلعت لهم فوق
وعطيتهم كم كلمة محترمة عن احترام وقت العميل والتعامل معه اقل شي مسج يقول ان الرحلة تكنسلت
طبعا ما قصروا معي ووجبونا احسن توجيب لكن ما فيه رحلة لكولومبو الا من بكرة الصباح
الاقلاع الساعة 9 والوصول 11 ونص ورحلة السعودية 12 الا ربع في هالنص ساعة المفروض اني اخذ شنطي من السير واروح ركض واركب طيارة السعودية حسب كلام الوكالة ( سام ) انهم كلموا اللي في المطار وانهم بيستقبلونا عشان نركب الخطوط السعودية بما اننا مواطنين سعوديين
وصلت كولومبو ونزلت من الطيارة ركض اخذ الشنط وتفاجات ان شنطي ماراح تنزل على السير !!
لان مكتوب عليها تروح من كولومبو للرياض بس بوابة رحلة الرياض مسكرة فبتقعد في المستودع
واذا ابيها لازم اوقع 700 ورقة الموضوع ياخذ اكثر من ساعة
( يعني يا اروح السعودية بدون شنط او اقعد الين 4 ديسمبر الرحلة القادمة )
سام من الوكالة كل شوي يدق على الفاضي روحي لمديرة المطار وكلميها ولا يقول روحي لاي موظف واشرحي له ولا روحي لمكتب ما ادري مين خ
عصبت عليه وقمت اهاوشة انا ما اعرف اليونيفورم حق المطار عشان اروح لاي موظف اقل شي كان المفروض واحد منكم جاي معي يوجهني وين اروح ووين اجي هذي مو معاملة ولا اسلوب وسكرت بوجهه
ورحت لمكتب الخطوط السعودية في المطار