السلام عليكم
ابغا اغير الجو عليكم شويه وابغا اقولكم موقف محرج صار معي في برلين ههه
اول يوم وصلت برلين طلعت اتمشى عند بوابة براندبرج والساحه اللي خلفها
المهم ... شفت صاحبنا سعودي مع زوجته .. يحليلهم حلوين ومستانسين
عاد انا فيني لقافة السعوديه جبتها معي ... صرت اناظرهم وهم يمشون كأني المحقق كونان
تركت الناس كلهم وصرت اراقبهم .... والله عن غير قصد لكن كنت مستانس اني اشوف احد عربي صار لي فتره
وانا ادوج عند بني الاصفر ههه
جت عين الولد بعيني , فأنا نزلت راسي واستحيت وقلت بيني وبين نفسي ( وش جالس تسوي ؟؟
خلي الناس في حالهم يا واد ) صرت اتكلم بيني وبين نفسي جداوي مع العلم اني من الدمام
المهم نسيتهم .. دخلت متحف مدام توسو اللي كان قريب مننا ... لقيت الولد مع زوجته قدامي .. المشكله كان دخولنا واحد يعني ندخل الغرف تقريبا مع بعض
طلعت وتغديت قلت بروح برج التلفزيون بصعده وكان قريب ... وانا افتر داخل الكره الكاشفه ولا هذا هو قدامي مع زوجته
انا هنا صار فيني قشعريريه ( حلوه) بديت احس اني ضايقتهم واشوفه شكله تغير ماهوبصاحبنا اللي كان مستانس
( طبعا شكلها انا مراقبهم !! ) وانا والله على نيتي
نزلت على اول مصعد رجع وطلعت ... رحت اشوف البوندستاغ احسن
من بكرا رحت مركز سوني قلت اشوف وش فيه ولا هذا هو مع زوجته يناظرني ولما شافني , انتفخ وجاني يزبد
قلت مبدهاش اهرب ومنها طفشت من نفسي قلت والله اني خربت سفرتهم ... وانا مالي فيها لكن كلها صدف
ههه كل ما اتذكر اللي صار اقول والله اني عكرت مزاجهم باختيارتي الخايسه اللي خربت سفرتهم
يا ليت لو يكون موجود معانا على شان لا يتضايق من شي ولا يروح بعيد