1. السلام عليكم ورحمة الله

السلام عليكم ورحمة الله

سافرة نيودلهي في سنة 2000 ذي كانت آخر زيارة للهند, كانت رحلة عمل , رحت معرض الهند الدولي, و الله كلشي موجود دبابات و رشاشات و حتى ابر الخياطة, بس في زيارتي كنت مرتب اني ازور مصنع آلات تغليف مواد غذائية, و كان الجماعة اصحاب المنع بطرشون السائق للفندق و كان مع واحد من الحكومة الهندية كمرافق و ركبت السيارة انا و المرافق جلس قرب السائق فتكلمو هندي - و انا اتكلم الهندية بطلاقة يمكن احسن منهم - و انا اسمعهم شيقلون اول سوال قالي بالانجلنزية هوت رود تعرف هندي قلت له لا ماعرف بي كيسا/ آجا, بعدين قال لخويه بس اذا في شي نتكلم بالهندي,,,, عرفت في المسالة مكر, بس خبركم اهل البحرين مب سهلين.
و انا في المصنع اشوف و اقلب في الاجهزه بعدين رحت لصاحب المصنع و جلسة معاه و سالته عن الاجهزة و و و و بعدين جيت حق السعر,,, آلا يقول حق المرافق و يش اقوله الحين بالهندي آلا المرافق يقوله زيد علية 20 او 25 % بعدين انا معاك نتحاسب... بس ز انا اسمع و ساكت.
فالحذر من الراغبين في التجارة من الذهاب الى اي مكان من دون معرفة لغة الدولة. علشان متكنون ضحية لنصب او احتيال...
طبعاً انا ما شرية الاجهزة خليتهم يذلفون اهم و راعيهم...