أهلا وسهلا بك وبزوجك في جدة
تعرفي القنصلية الأمريكية اللي على تقاطع شارع فلسطين مع شارع الأندلس ؟
وانتي في شارع فلسطين ، تلاقي القنصلية على يمينك ، ومن عند الإشارة لفي يسار ، كأنك متجهة للبلد
تلاقي على يمينك مطعم تشيليز ، وامشي مسافة بسيطة ، تلاقي إشارة ، طالعي يسارك تلاقي مطعم لوسيل
وبالهناء والعافية

رأي شخصي... مستوى الأكل في المطعم اقل من عادي واسعاره فوق المتوسط

السلام عليكم
المبنى اللي قدام فرايديز ..هو مركز السحيلي وفيه سينسيز وموبايلي
والمطعم في الدور الاخير .. لكن شخصيا اراه أقل من المتوسط من حيث جودة الطعام .. ومنعدم الخصوصية والخدمة مقيدة جداً .. والاسعار مرتفعة ,, وتظل تجربة مفيدة في كل الاحوال

انا جربته وحده مرة
لاانصح بالذهاب في الليل لانه حيكون زحمه والمطعم مافيه خصوصية ابدا
جربوه في الظهر في وسط الاسبوع يكون فاضي يعني خلوها غداء خصوصا انه تشوفوا جدة كلها والبحر رهيب يكون
المطعم فخم جدا من طاولات للمصعد للحمامات
قائمة الطعام مختصرة جدا لكن الطلبات كانت جدا رائعة علما بأن ذوقي معقد يعني مايعجبني اي شي
بس يمكن الاخ ناصر وعيون جدة اختاروا طلبات ماتتوافق مع مابشتهون في العادة او السعر فجعهم
السعر بالفعل فوق العادي يعني شخصين وجبتين رئيسية وسلطة وحلى وعصير 550 ريال لكن لاننسى انه تجربه جديدة
وهوا الوحيد الدوار في جدة وتشوف جدة كلها منه
موقعه امام تشيليز في سوق كبير كله قزاز ازرق فيه كوفي شوب امامه المطعم هوا تلاقيه مدور فوق
تطلعوا بالمصعد لفوق
هذا موقعه من النت
http://wikimapia.org/

ليش وصفكم مخربط ههه
وانتي جاية من كوبري المينا ورايحة شمال اول اشارة بعد دوار السفن يمين بعدين اول يمين حتلاقي عمارة كبيرة على اليمين هي مركز السحيلي طبعا راح تكوني خلفها لان مدخل المطعم من الخلف ادخلي المواقف وراح تشووفي بوابة المصعد وواحد واقف عند الباب الخارجي راح يجي ويفتحلكم بوابة المواقف ويدلكم على مصعد المطعم الخاص وكمان يظغط على الزر :wink: وانتم الله يعينكم على الحساب ههه :tongue:

عيون جدة
أتفق معك أختي عيون جدة
أكثر شيئ يميز مطعم لوسيل أنه دوار

أسيرة الغربة
اختي اسيرة غربه
لا تذكري سيرة دوار السفن
لانك كذا بتلخبطين الموضوع زيادة
لان هذا الدوار لا يوجد له اثر الان -- فيه اعمال انشاء --
لكن بقيه الوصف رائع
تحياتي لك