أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
دخلت موقع فندق أنصار في اوزنجول ولكن وجدته باللغه التركيه فهل من طريقة لتحويله إلى اللغه الإنجليزيه أو العربيه
عنوان الموقع
http://www.ensarmotel.com/index.asp
بالنسبة لموقع انصار فانه فعلا باللغة التركية
بس اذا تبي تحجز ، اتصل احسن
في واحد بالاستقبال يتكلم انكليزي
ما في احد يتكلم عربي
موتيل انصار زين ، كنا في قبل اسبوعين لمدة خمسة ايام
صحيح اهو غالي شوي بس الاكواخ حلوة جدا والموتيل امين وخدومين
موقعه زين بعد
الله ييسر اموركم
اختيار موفق ان شاء الله
والله انا جربت القسم الانجليزي فيه
تعباان مافيه اي مساعده من ناحيت البوكنق
والاسعار والخدمات والمواصفات بس يعرض لك
فيديو وصور هذا اللي عنده بالانجليزي
بس الظاهر مالي الا اتصل عليهم
لكن اخووي Zohd aldonia
حابه اعرف كم سعر الليله فيه
وهل يستاهل الفندق سعره او لا
؟؟
فيه مسابح صالات رياضيه حدائق .........إلخ
ياليت تفيدني اذا امكن في اقرب وقت
شاكره لك ومقدره
والله يعطيك العافيه ويجزاك الجنه يارب
بالنسبة لموتيل انصار
سعر الكوخ 4 اشخاص يتراوح بين 250 الى 300 ليرة باليوم شامل الافطار
الافطار عندهم بسيط - طمام وخيار وجبن ابيض واصفر وخبز وشاي ونسكافيه وبيض مسلوق ورقي وعسل ومربي
بالنسبة له اهو موتيل يعني لا يوجد فيه مسابح ولا صالات رياضية ولا شيء
فيه مطعم وقعدات كافيه واكواخ وغرف فقط
اوزنجول قرية صغيرة وليست مدينة ، انصار وانان ارقى موتينلين والباقين ليس سيئين بس بسيطين
والقرية كلها كأنه منتجع بسيط - وبالنسبة لسعره هذا السعر الدارج
لان كوخهم - يسمونه بنكلاو - عبارة عن غرفة بها سرير نفرين مع كبت صغير وحمام اعزكم الله وصالة
كان فيها صوفتين بس الحين حطوا صوفا مع سرير - مع تليفزيون - اصلا حتى ثلاجة ما فيها
بس عني انا استمتع بالراحة والاستجمام والمناظر الخلابة وطول ما انتي هناك تقولين سبحان الله
حوله الجبال الخضراء - اخضر بمعنى الكلمة - المناظر العجيبة والطبيعية من الفراشات والورود لا والضفادع بعد
بالسلامة
مشكور اخووي والله يجزاك الجنه يارب
ويس لك جميع امورك يارب ويوفقك
طيب اخوي تقترح علي اسكن فيه
خصوصا ان الوالد والوالده يبحثون عن الراحه
النفسه في السفر
لك مني جزيل الشكل
نعم ، انا الوالد والوالدة يستانسون فيه وايد
خاصة الكوخ - لان الغرف الدرج فيها عالي وصعب عليهم
لذلك الكوخ - البانجلاو - حلو وايد لهم وفيه مثل البلكونة الصغيرة
يحطون الكراسي ويعقدون
والله كان حطيت الصور لك
بس للاسف صار لي كم يوم احاول انزل الصور
واسوي تقرير عن رحلتي بس للاسف ما عرفت
يا ريت اللي يعرف يدلني شلون انزل الصور انزلها
وبالسلامة
اختكم زهد الدنيا
يعطيك العافيه ياارب
على كذا شكل مالي الا اتصل عليهم اليوم احجز
طيب تتوقع احصل حجز لان رحلتي يوم الاحد
وابي اجلس يومين في اسطنبول بعدي اروح يوم طربزون
ثم اوزونجول يعني على كذا بكون فيها بعد 10 ايام تقريبا
واذا حاب اخوي انا اعرف انزل الصور اذا تبي اعلمك كيف
على الا قل ارد لو جزء بسيط من اللي قدمته لي
بالنسبة لموقع انصار فهذا هو
http://www.ensarotel.com/
وبامكانكم تحويله الى اللغة الانجليزية من جهة اليمين IN ENGLISH
تقبلوا التحية