موقع سفارة فتنام بالرياض :

الوصف :
اذا كنت قادم من مخرج 5 تطلع من عند مخرج 6 بعدها تطلع يمين ثاني اشارة و الي هيا تقاطع الامير مقرن مع شارع ابوبكر ثم تسوي يو تيرن (يعني تديور) وبعدها تمسك الخدمه في طريق ثلاثيني بعد تقريبا 500 متر اسمه القويعيه (انتبه لاسم الشارع و الموجود في لوحه على انارات الشارع في اليسار) ثم تطلع يمين مع الشارع اخر فله على اليمين في زاويه حرف ال تي
بصراحه تبهذلت حتى وصلت لها علشان كذا ماابيكم تتبهذلو مثلي ههه
المطلوب :
1- تذكرة سفر ذهاب و عودة (مافي مشكله بالحجز اذا مو موكد) لاني قدمت حجز غير مؤكد ومشت الامور
2- صورة شخصية 4 * 6 او 5 * 6 كلهم تمشي
3- وجواز ساري المفعول
4- تعريف من جهه العمل باللغة الانجليزيه واذا ماعندك عمل اقرب شخص تعرفه عنده مؤسسه يكتب لك خطاب بالراتب و طبيعه العمل ويختمه ومايحتاج تصديق... تمشي الامور
5- تعبئة نموذج السفارة طبعا بالانجليزي
6- ومبلغ 250ريال للشخص
وخمس دقائق و الفيزة في جوازك تراهم متعاونين لبعد الحدود بس اهم شيء راجعهم قبل رحلتك بسبوعين
واتمنى ان ينال اعجابكم