عبدالعزيز عبدالرحمن
انا عبيت الابلكيشنز(3) وكلها ان شاءالله مضبوطه معدا العنوان و ارقام التلفونات اللي بامريكا .. حطيت لوس انجلس ورقم جوالي السعودي (اذا يحتاج تعديل او اعادة بالله خبروني)
وحجزت موعد للشخصين فقط ..هل يحتاج ابلكيشن الاطفال لموعد؟... على ماسمعت ان لهم طريقه ثانية
ارجو الافادة وشكرا
امريكا اذا ماتعرف احدحط أسم اي فندق في لوس انجلس وعنوانه وتلفونه تلقاه في موقع بوكنج
والموعد الواحد يكفي لأربع أشخاص . والي اقل من 14 سنة او كبر من 79 مايحتاج يجي المقابلة
اما تحط تلفونك السعودي على انه جهة اتصالك في امريكا فأبشر بالرفض..ترى هذي السفارة الامركية ماهو المرور. انتبه تألف وتفتي من عندك

بالتوفيق يالغالي بالنسبة يوم الاربعاء ممتاز في المقابلة لانه ويكند
الشيء الثاني انت لما تحجز موعد الموعد يشمل على ما اعتقد 5 اشخاص او 6 اشخاص يعني افتح الموعد وضف اطفالك اللي سويت لهم ابلكيشتن
بالنسبة للارقام والعناوين انا حطيت رقم فندق الهيلتون في نيويورك ولا راح احجز فيه ولا اسكن فيه فيزة السياحة للعوائل تساهيل مرة

يعني اعبي الابلكيشن من جديد او فيه طريقة اقدر اسوي له اب ديت

اذا المعلومات صحيحة والي فقط غلط الي في امريكا ماهي مشكلة !!
الموعد للكبار فوق 14 عام والصغار فقط تاخذوا نماذجهم للمقابلة من دون وجوب حضورهم !!
بالتوفيق ،,

الله يعطيك العافيه
انا الحين عبيت الابلكيشنز مره ثانيه ولا قدرة اسوي اب ديت على الموعد اودي القديم والجديد مع بعض او القديم بس مع العلم اني مسحت واحد منهم بس عندي رقمه ولا عندي هرد كبي ..... وش الحل

اذا ما تقدر تسوي تحديث لرقم النموذج في الموعد فخذ الجديد فقط واشرح لهم الموضوع !!
بالتوفيق ،,