حياك الله اختي
فهمت منك ان زيارتكم بس راح تكون 9 يام في المانيا.. اذا كذا فهذا خط مقترح
الوصول لميونيخ والبقاء فيها 5 ايام .. يشمل تسوق وزيارة قارمش وليغو لاند
يومين في اوربا بارك .. تبعد عن ميونيخ حدود 300 كم والسكن في نفس فنادق المدينه
ويومين في النهايه في فرانكفورت
ميونيخ من اروع اماكن التسوق في المانيا .. اذا هدفك تسوق مو محتاجه تزوري برلين
اتمنى لكم رحله سعيده

Boby
شكرا مشرفنا العزيز على الاجابة ...
توضيح .. احنا راح نقعد في ميونخ لمدة 7 ايام في فندق هوليدي ان سيتي سنتر

اوكي الصوره وضحت
اقتراحي التالي :
3 ايام اوربا بارك
4 ايام دوسلدودورف " ويكون فيها زياره بسيطه لكولون وزياره لمول سينتر و في اوبر هاوزن " وتقدري تخليها خمسه لو حبيتي تزوري هولندا او بروكسل
واخر يومين في فرانكفورت

Boby
شكرا جزيلا مشرفنا العزيز ....
عجبني التخطيط .. وبالذات دوسلدورف >> للتسوق .. ممكن ترشحلي فندق ..
الفندق ابي مستواه راقي وشرح والغرف كبار .. انا سويت بحث في google وعجبوني فندقين
الاول نيكو .. والثاني انتركونتننتال .. شرايك فيهم واذا تعرف افضل من ناحية الموقع والمستوى ممكن تقول لي .. واكرر شكري لك ..
شرايك ..
ليلتين اوروبا بارك
4 ليالي دوسلدورف
ليلتين فرانكفورت
ممكن تذكر لي فندق في فرانكفورت
على فكرة اوروبا بارك ارسلوا لي ايميل وعطوني الباكيج التالي :
We are pleased to offer you the following for the presidential suite:
Hotel: Colosseo
Room Type: one presidential suite
Persons: *adults 3 *children 2 (4+1 years old)
Package: 1 night incl. breakfast-buffet and 2-day admission for 4 persons
Rate: Euro 744.00 for the reservation as shown above.
This rate includes tax and service. All rooms are equipped with shower/bathroom,
color T.V. and direct-dial telephone.
شرايك بالباكيج ..؟

Boby مشرفنا العزيز مشكور وماقصرت .. وبانتظار ردك ..
وشدعوه باجي الأعضاء مافي حد يبي يرد عليي وينصحني:36_1_44:....
مو كفو .. ولا ما انعطى ويه ولا شنو :36_1_44:....
على العموم مشكورين وماقصرتوا ..
أختكم
الحزينة sullmish

وانا اللي صار لي سنة اخطط واسنع للتقرير اللي بسويه لما ارجع من سفرتي .. بس شكلي بهون
من الحين ومحد معطيني ويه اذا شايفين اني ماستاهل تردون عليي عيل بعاملكم بالمثل وماراح انزل تقرير
عن رحلتي .. بالرد السابق حاولت اكسر خاطركم ومحد عبرني الحين انا عصبت :112::112::112:
واذا مارديتوا عليي راح اشيل عن راسي سالفة التقرير وارسل تقريري برايفت لناس معينة واهم اللي
يستاهلون اما ال 55 اللي دشو موضوعي ولا كلفوا على نفسهم يطبعون كلمة ماراح اعبرهم مثل ما اهم
ماعبروني واكشتو فيني

حياك الله اختي الغاليه
وطولي بالك معنا شوي
راح نعطيك وجه ومايصير خاطرك الا طيب
الناس فيهم المشغول والمستعجل وفيهم بعض الناس اللي ماتعرف ونفسها تساعد .. أهم شي لا تحزنين ولا تعصبين
اقتراحي لك مثل ماذكرت فوق
3 ايام اوربا بارك
4 ايام دوسلدودورف " ويكون فيها زياره بسيطه لكولون وزياره لمول سينتر و في اوبر هاوزن " وتقدري تخليها خمسه لو حبيتي تزوري هولندا او بروكسل
واخر يومين في فرانكفورت
الباكيج الخاص ب اوربا بارك اشوفه جميل ورائع
بخصوص دوسلدورف .. ارشح الانتركونتننتال بلا منازع .. موقع رائع .. وأثاث ولوبي شي خيال ..
في فرانكفورت .. أرشح لك فرانكفورتر هوف .. طبعا هو غالي شوي .. لكنه الفندق رقم واحد في فرانكفورت
واذا حبيتوا شي اربع نجوم ونظيف جدا وعلى شارع التسوق " تزايل شتغاسه " عندك فندق nh Hotel
واذا عندك اي استفسار زياده حياك
ورحله موفقه

Boby
مشكور مشرفنا الغالي ... وانا اشوف ان انتركونتننتال حلو لكن في ناس ضيعوني بالمنتدى يقولون ان الغرف صغار و شتاينبرغر الأفضل .. لكن بتوكل على الله واعتمد الفندق اللي اخترته لي وراح ارسل ليوروبا بارك تأكيد للحجز ...
وراح اقول لك شصار معاي .. بس اللي مضيق خلقي ان مو لاقين حجز طيران للحين .. امس بلغونا ان الحجز للحين مو اوكي على 24اوغست الأوكيه 16 اوغست ....
مشكور مشرفنا وماتقصر ...

يا خيتي سامحينا
والله من كم يوم ودي أشارك بس خجلان ..لايفتى وبوبي في المدينة .. بالاضافة الى أني لا أستطيع المشاركة في مواضيع تخطيط الرحلات لأن اجابتي واحدة
سيدا على سويسرا وخصوصا انترلاكن
طبعا ربما لايعجبك الاجابة طيب خوذي اختيار ثاني
شلالات شافهاوزين (الراين) والاقامة على بحيرة كونستانز الحدودية مع سويسرا 3 ايام .. زيورخ السويسرية باقي الأيام (وهي ليست بعيدة عن ميونخ )
في زيورخ ألف برنامج مميز لايمكن وجوده في ألمانيا
تحيتي