راح يسالونك عن التصريح واذا ما عندك ما راح يسمحون لك بالسفر..............بالتوفيق

طريق الرحله هو
الدمام~ابوظبي تغيير الطياره~بانكوك
والرجعه بانكوك~ابوظبي تغيير الطياره~الدمام
ياليت خبرتكم

توكل على الله يا رجال ما أحد سأل عنك ولا احد مفكر فيك .. حتى عسكري الجوازات ما له صلاحيه يوقف سفرتك حتى لو درى انك بتروح تايلاند
انا مسافر من الرياض البحرين بانكوك ولا احد سال ولا شي .. ما عليك من سوالف الناس واسال مجرب
بمطار الملك فهد بيعطيك كاونتر طيران الاتحاد بوردينق رحلتك من الدمام لابو ظبي وبرضو بيعطيك بوردينق من ابو ظبي لبانكوك .. وانت اذا رحت لموظف الجوازات عطه بوردينق حق ابو ظبي ويمكن ما يطلبه منك بعد ..
الخلاصه ما احد داري عنك و توكل على الله والامور متيسره للأخر

فواز29
عسى الله يسعد ايامك

موظف الجوزات ما رح يكلمك .حتي لو شاف فيزة تايلند علي الجواز.
ولاكن.المشكلة كلها عند تجديد الجواز.
واللة تعقيد الي ابعد الحدود.
انا لية ستة شهور ادور واسطة.
كل واحد يقول عندهم امر من وزارة الداخلية تحقيق ومنع من السفر 3 سنوات.
انصحك نصيحة اخوية.اذا كان ماعندك واسطة.
لاتفكر تسافر الي تايلند

Silom
مابه واسطه قررت عدم السفر
حتى الي عندهم واسطات ماعاد تنفع للوضع المتازم في المنطقه

1. السلام عليكم ورحمة الله وبركاته ,,

السلام عليكم ورحمة الله وبركاته ,,

اليوم الصبح رحت لجوازات القصيم لتجديد الجواز ولا اخفيكم كنت مره شايل هم انهم يصادرون جوازي او حجز او منع من السفر مثل ماسمعنا قبل .
المهم ما اطول عليكم بعد تسديد رسوم الجواز 150 ريال واخذت الورقه الخاصه بتجديد الجواز وعبيته وعطيت الجواز مع الورقه للموظف المختص طق بالكمبيوتر وانا جالس على اعصابي قالي تعال يا ابو الشباب انت رايح تايلاند حسيت وقته ان الدنيا تدور فيني ,,, قلت ايوه زرتها مره وحده بس قال ولا نيتك تزورها اكثر من مره بعد ...
المهم قال لازم يكون هناك تحقيق وغرامه والله يعينك على العقاب
انا افكر وش العقاب سجن مصادرة جواز والغرامه كم عشر الاف او اكثر ؟؟
بعدها بخمس دقايق ناداني الضابط المختص ودخلت عنده بالمكتب وكان اريحي في تعامله
وجاب ورقة التحقيق اول سؤال اذكر اسمك رباعي ,,
السؤال الثاني هل كنت تعلم ان السفر الى تايلاند ممنوع ؟ اجبتن نعم اعلم
السؤال الثالث ليش زرت تيلاند وانت تعلم انها ممنوعه ؟؟ اجبت بعد قرائتي للصحف المحليه وجدت ان جميع شركات السياحه تضع اعلان لتايلاند وتوقعت ان تيلاند الان مسموح بها ,,
السؤال الثالث هل ستكرر الزياره لتايلاند ؟؟ اجبت لا ,,
فقط هذا هو التحقيق ,,
ونجي لسالفة الغرامه فقط 500 ريال وقمت بالتوقيع على ورقه انه في حال زيارتي مره ثانيه لتايلاند ستكون الغرامه 10000 ريال
اسف على الاطاله بس حبيت اقولكم ترا الامور سهاله ولا عليكم من الي تسمعون ويكبرون الموضوع ,,

زين وبعدين وش صار هل منعوك من السفر مده معينه مثلا ؟؟

ههه
يالحبيب ترا سفرتك لتايلاند ما تطلع بالجهاز عنده ..
لانك مسافر ترانزيت .. يعني مثلا حجزت على طيران الخليج والرحله خط سيرها الرياض-المنامه-بانكوك
فموظف الجوازات يسجل رحلتك على المنامه فقط ولو تطلع من المنامه و تلف كل بلدان العالم برضو فقط يسجل اسم اول ديره طبيت فيها
هو شيك على جوازك وشاف ختم تايلاند لكن مو من الجهاز .. لكن سالفة سفره مره ثانيه غرامة 10000 الاف هاذي اول مره اسمع بها