النخيل في مراكش
المارينا بيتش اغادير
خذ سياره بسائق اذا وصلت للمدينه اللي تريد
مو فرق خمسين الى ميه درهم
واي شي ثاني اسال و ابشر
تحياتي

زي ماقال مشرفنا محسن وبخصوص السيارة دام أنكم 3،وأول مرة تجوا المغرب فالأفضل سيارة بسائق عشان ولو انتوا مغامرين تقدروا تسوقو ها بأنفسكم فقط اتبع اللوحات الإرشادية لكن الافضل بسائق لأنكم جدد ولو حبيتوا التوفير فابمكانكم استخدام التاكسي ( يسمونه الطاكسيً) داخل المدينة واستئجار طاكسي ابيض كبير بحدود 1000 درهم لإيصال كم من مطار محمد الخامس بكازا الى مراكش وبعد 4 او 5 ايام تأخذوا طاكسي آخر لايصالكم الى اغادير بنفس الثمن تقريبا داخل المدينة المشوار يكلف من 20 الى 50 درهم ومن النخيل الى وسط مراكش او قليز او ساحة ألفنا 100 درهم
والخيار لكم
النخيل فلل وشقق خارج مراكش 15 الى 20 دقيقة حلوة وحولها النخيل ولو حبيتوا فنادق في شارع محمد السادش او شقق تحصلوها في حي قليز بمراكش
اغادير فندق دي روز وأماديل ورويال اطلس وكنزي وشقق المارينا زي ماقال محسن ..
مطاعم اغادير مطعم اسماعيل والنهضة والقلعة واوسيانا والمقاهي حول الكورنيش ( أللاكوط ) والملك دونالد واغادير فنادقها وأماكن التمشية كلها قريبة حول أللاكوط
.. تحياتي

محسن58
مشكور اخوي وماقصرت

hsm360
مشكور اخوي وماقصرت
بس شو اريك في القطار مو احسن
وفيه شباب يقلون اخذ رحله دخليه ؟؟

القطري 707
لو حتروح من كازا لاغادير فالأفضل تأخذ طيارة لأنو القطار يوصل فقط الى مراكش ومن ثم تأخذ سبراتور او ctm ( نقل جماعي )
نعم كازا اغادير طيارة افضل
الى مراكش طاكسي او قطار ..

لما يكون المسافرين ثلاثة عندها بيكون التاكسي فرق السعر ليس كثير بين القطار والتاكسي ....مع عامل سرعة الوصول باذن الله في صف التاكسي ... مع مراعاة ان الشنط والعفش يسع في التاكسي... بخصوص استئجار سيارة انا مع استئجارها بسائق فقط شوفو ميزانيتكم اذا تسمح او خلوها تاكسيات

شوفوا ياأخوان مادامكم ثلاثه اجروا لكم تاكسي يأخذكم من المطار الى اي مكان تبونه
بالنسبة للقطار مثل ماذكر اخي سلمان مايصلح إلا للناس الخفيفين يعني اللي مامعهم عفش كثير وثقيل ولانه عندما تركبوا القطار فيها شيل وحط شنط
ولابعد ممكن تغيرون مسار من محطة اخرى يعني بترجعون تنزلون الشنط مرة ثانية وبعدها بتركبون مره ثالثه والمرة الرابعه عند الوصول للمحطة الاخيره ... هذا للتوضيح
وانا مع السياحة الذكية يعني مافيها استغفال او استهطاف .. اسمعوا التكاسي في كازا يبدأ عدادها ب 1.7 يعني درهم سبعين سنتيم . اما في مراكش اصبح الاكثرية
من التكاسي مايشغلون العداد نظرا لاقبال السواح عليها . يعني قطوعه .. المسافة من كازا الى اقادير اكثر من 500 كلم عشان كذا نصحك احد الاعضا بأن تأخذ طياره من كازا
الى اقادير ...
اتمنى لكم سفره موفقه

نعم ذكرني الحبيب الحزين بموضوع تغير القطار .... نقطة مهمة ....بالنسبة للسكن في مراكش كما ذكر العزيز محسن فالنخيل مناسبة للشباب وهنا الافضل تاجير سيارة بسائق ...
اغادير ما اعتقد اناه تحتاج سيارة فالطاكسيات تغني والمدينة صغيرة الا اذا لكم رغبة تدورو كثثير او تروحو المناطق المجاورة للمدينة ...
نقطة اخرى حاول تخطط لها من الان وتتفق مع اصدقاءك عليها ..حساب موعد الرجوع الى كازا من اجل رحلة العودة ... والوسيلة الي حتركبوها ...براي لو تخلو اغادير الاول افضل
كمان موضوع الحجز في النخيل فلو تحجز من بدري افضل لانه بسبب الطلب المتزايد على السياحة بالمغرب

من جد كما ذكر اخوي سلمان لازم تحجزون من بدري اذا بغيتوا النخيل لانه عليها اقبال كثير والناس ما تعرف الا هي وبعدين صارلها سمعة مع انه يوجد اماكن كثيره غيرها
تصلح للسكن لذلك انصحكم اذا سكنتم في النخيل لازم تأجرون سيارة بسواق لان المشوار بالتاكسي من النخيل الى وسط المدينة ب 100 درهم يعني رايح ب 100 وجاي ب 100
وانتم اكيد بتحتاجون مرجان ( مركز كبير للتسوق والتبضع والاغراض وغيرها ) فلابد من السياره اريح لكم .