السلام عليكم ورحمة الله وبركاتة
الحمد لله توني جاي من اسبوع من اندونسيا وانبسطت واستانست والفضل لله ثم لهذا الموقع
لما قرأت فيه من توجيهاات ونصائح من الأخوة الأعضاء وغيرهم . لاكن فيه شيئين ماقريتها او انها غابت عن عيني
وصارت لنا بصراحه والحمد لله عدت على خير
الشي الأول : لمن جينا نحمل العفش اخذو منا 150000 روبية المبلغ بسيط بس للأحتياط حبيت اعلم الناس فيه
هذا مو مشكلة وشي قانوني
لاكن المشكلة في الشي الثاني والي هو > تبدا القصة > واحنا في الطيارة قبل مانوصل اندونسيا اعطونا اوراق نعبيها
ورقتين . فيه ورقة تعبي فيها اسمك ورقم الجواز ورقم الرحلة وبيانات ثانية تنقسم نصفين نصف ياخذونه ونصف يبقى معك
هذا النصف مهم جدا بغينا نتورط بسبته كنا محافظين عليه المهم بعد ماسلمنا العفش > طبعا الحين اتكلم عن المغادره في رجعتنا للرياض > اتجهنا للجوازات متأكدين ان اوراقنا كاملة > اعطيت الموظف اوراقي وختمها بعدين تقدمت عن خويي شوي الا خويي يناديني ! وش السالفه قال انه يقول ورقتك ضايعه > يقصد النصف من الورقة الي قلت لكم عنها , شكينا وقمنا ندور اذا طاحت او ماطاحت المهم قال لنا تدفعون 500000 روبية مايقارب يعني 200 ريال , الكونتير المقابل سعودين صايره لهم نفس الحركه , المهم الموظف مرتبك كانه يبي يطلب فلوس وخايف , طلب فلوس قلت مامعي الا 150000 روبيه اخذ الموظف الثاني من السعودين الثانين 250000 روبيه واخذ مننا 150000 روبية وجالسين يخوفونا كانهم بيسحبونا لمكان ويحققون معنا وهم بس عشان الفلوس , كان معنا في الرحلة ولد عمتي وكانت رحلة طيرانه قبلنا بثلاث ساعات تقريبا لمن شفته في الرياض قال انهم اخذو مني 60000 روبية هذا التفاوت في المبالغ يدل انهم نصابين بس يبون الفلوس لهم طبعا انت في وضع حرج بتدفع اي مبلغ عشان تمشي منهم وتفتك ! لذالك اذا جيت عندهم حاول انك تطلع اوراقك كلها واضحه وتصير متنح فيه عشان مايسوي مهاره ويضيع ورقتك > وهذا والله اعلم الي صار معنا حسيت انه نصاب هو الي مضيعها خوي كان يحاكيني ومتنحين شوي قام واستغل الفرصه وحسبي لله عليه كانه مضيعهاا ,المهم الشعب حبيب وطويل بال بس في اي مكان ( كاسرو بالاسعار ينزلون معكم ببرشووت ) ماعندهم مشكله يلزخك اذا استقبلت اللزخه كان بها ونعمه ان كاسرت نزل معك > حركات منفوحه
اتمنى ان ذا الموضوع يكون مفيد لكم لأني بصراحه ودي ارد للمنتدى لو القليل من الي استفدت منه ومن المشرفين
الله يجزاهم بالخير ياارب
اخوكم فيصل بن بآلي بن جاكرتا ما مريت باندوق آل بونشاك