السلام عليكم ورحمة الله وبركاته
بصراحه احسن شي للواحد انه مايكون متقيد بموعد ولامدرسه محدده
واخص في ذلك الي بيروحون لفتره اطول من شهرين
بسبب اذا اراد الواحد يغير المدرسه او يزود الفتره او يغير المنطقه يقدر بسهوله
وانا جربت الطريقه هذي العام الماضي من فوائدها:
1.انك تقدر تغير المعهد على كيفك لاي اسباب مثلا منها(العنصريه:انهم يكونون اكثريه من دوله واحده مثلا) او غيرها اي اسباب كانت
2.اني اخترت معهد ماكان اي وكيل سفر سعودي يتعامل معاه (مافيه سعودين)
3.لو حصل اي ظروف رجعت وفلوسي في جيبي
4.الدفع على كيفي بكل المدارس كل اسبوع او اسبوعين
5.لو حبيت اغير مدت التعليم اليومي ساعتين او اربع ساعات حسب المدرسه ونظام الساعات اليوميه
6.انه يكون المعهد كله سعودين اقدر اغيره علطول
ممكن تسوي العمليه هذي وتروح بدون وكيل سفر اذا كان لك احد ممكن يساعدك وانجليزيته قويه
يسوي بحث عن المدارس في نيوزلندا
بعد كذا يرسل على ايميلهم اسمك وبياناتك الكامله وانك تود الدراسه عندهم لفتره ****
وبعد الموافقه لك تطلب مواصفات العائله الي تبي تسكن عندها
وانك تبي يكون نظام الدفع عندهم اذاوصلت
وانك تاكد وصولك بعد ذالك وتعطيهم رقم الرحله واسم الخطوط
وبعد كذا يرسلون لك قبولك قي المعهد على بريدك الاكتروني وتعتبر هذي وثيقه معاك اذا طلب منك
في المطار عند الوصول لنيوزلندا
وهذي الخطوات نفس الخطوات الي يسونها وكلا السفر بس فيه فرق واحد
(انهم يبحثون عن ارخص المعاهد ويعبونه كله سعودين وتصير الدعوا لعب بلعب)
ملاحظه: ان المعاهد هناك كثر البقالات عندنا يعني طول منت ماشي حتحصل معاهد يمينك ويسارك
خاصه في (الكوين ستريت) والشوارع الي حوله