شف وانا اخوك ... الشقق الفندقيه بجاكرتا عندك استون راسونا وسعرها للشخصين 300 ريال تقريبا
باتافيا وافضلها اكثر من الراسونا وسعرها 300 ريال كذلك للشخصين ..
قراند تروبك شقق فندقيه وسعرها بحدود 300 ريال للشخصين ..
اما بالنسبة للجبل تقدر تسكن من 350 الف روبيه الى فوق المليون ...
وجميع ماذكره الاخوان هنا صحيح 100% ... ولاهنت ارسل لي رقم كاها على الخاص اذا ماعليك كلافه ناوي احجز بباتافيا (:

هذا ايميل الشركة .. يقولون انها بجنب مكتب كاها بالمطار ..
بالله هاوشهم ...
رغم اني قلتلهم انهم اصحاب سمعه طيبة واسعارهم مناسبة .. ومدحتهم ..
بس ياراعي الخبرة ماقلتلي رايك بالموضوع ..
عندك سواق مناسب ..افزعلي ..
اما السكن قررت اخليها 3 نجوم .. واقدر ادبره بنص المبلغ اللي قلته ..
وش رايك بالقرار السكن .. بالجبل ..
وهل صحيح الي يطير ماعاد ينزل ...
واين انت من مقولة ماطار طيرا وارتفع الا كما طار وقع
ماعرف ارسل خاص ..
احط ايميلي والا يفصلوني من هنا .. وبعدين اكل هوى

طبعا سئلتك مشتته وكانها تقرير
اذا رجعت باذن الله دام هذا اسلوبك لا تنسانا من التقرير لان اسلوبك ممتع وراح يكون تقريرك روعه باذن الله ان كتب الله لنا ولك حياه وطولت عمر
ثانيا وقت رحلتك وقت اجازه هناك من 9 الين 19 سبتمبر هذي اجازه عيد الفطر المبارك هناك الرسميه
الاسعار اللي اعطاك اياها مكتب اندو تيل غاليه
المكتب معروف لدينا ولو تلاحظ اننا ما ندل عليه واجد بسبب مغالاته بالاسعار اولا وقله الخيارات عنده مقارنه بكاها مثلا من خيارات السكن في جاكرتا
بخصوص السواق عشان ماينطبق علينا تشبيهك نظام اموقع كالاتي
فيه اخوان سافروا وجربوا سواقين في رحلاتهم
ورجعوا وحطوا اسما السائقين وصورهم بعد تجربتهم عشان المسافر بعدهم يعرف السائق اللي بيتعاقد معه وصورته
اقيام السيارات بين 45/ 55 دولار للسياره يعني زي ما قريت هنا من 450 الي 550 الف روبيه في جاوه وتقل في بالي
وارقامهم مثبته بموضوع خاص تكلمهم وتتفق معهم وتجربه يوم هناك ناسبك ولا تكنسله اذا ما جاز لك
في العرب المسافرين ما راح تلقي اجابه عن السائقين الا هالاجابه الل ياعطيتك اياها او ياتيك عضو مجرب سائق من رحلته ويحط لك رقمه علي العام ويقولك انا حاط رقمه بتقريري ويحط رابط تقريره ولا بنمسح الرقم بكل اسف عشان ما يكون الموقع للتسويق لسواقين وخلافه هذا موقع ارشادي وسمعته اكتسبها من هلشي والاف سافروا بعد اخذ التعليمات منه ورتبوا رحلاتهم بشكل مناسب بدون اشكال وبعضهم واجه بعض المنغصات في رحلته وهذا امر وارد
الا اذ انت السياره المستاجره نوع خاص مثلا بلوبيرد تعطيك ميني باص يشيل 11 راكب قيمتهاغل يمن هلسعر للعوئل الكبيره مثلا للي يبي ياخذمن عندهم / او اذا كانت السياره نوع فاخر مثلا وانت محدده بطلبك او هو نوع السيارات عندهم وهذي توفرها بعض الشركات فقط مو كلها
السكن ستجد مايناسبك وفق الميزانيه اللي انت حاطها ببالك للسكن في جاكرتا اذا حجزت من الان من النت ومواقع الحجز واجد اقوداوبوكينق وخلافهما
في الارياف زي بونشاك لابد انت تحجز بنفسك هناك بعد ما توصل هناك اغلب الفلل عباره عن سكن خاص ويؤجرها حراسها هناك مباشره
بتلقي سكن ب200 دولار وبتلقي سكن ب400 و500 الف بس تحتاج بحث وتدوير عن السكن بنفسك اللي يناسب غيرك ما يناسبك واللي يناسبك ما يناسب غيرك

سعادة الباشا المشرف الفندم جاكا هنا
اولا انا اسف جدا جدا
والله العظيم ما قصدت بتشبيهي موقع المسافرون العرب .. ومثلك خبير بالمواقع وعارف شغل السمسرة والاسعار والفاوضات اللي تصير ..
شفت ارقام السواقين بالموضوع .. وان شالله راح اكلمهم كلهم .. فردا فردا .. الين القى اللي بالمزاج .. الله يجزاك خير..
ولازم علينا اننا نفهمهم انهم معتمدين عندنا بالسعودية .. وموصى بهم .. وان اي واحد يكون سعره وتعامله تعبان راح نحطة بالقائمة السودا .. ونخليه يقلب سيارته دباب احسن له .. لاننا شعب اقطاعي يتحكم بموارد التنمية ...
وبخصوص وقت سفرتي انه يكون اجازة عيد .. اكيد ما راح اطلع الجبل الا بعد تاريخ 20 سبتمبر .. وشورتك وهداية الله .. الله يعين بالسكن المناسب حسب الاختيارات المتوفرة بالموقع بوكينق واسيارووم واسيا ترافل ( فهمت من كلامك استاذي انك تؤيد الحجز عن طريق النت قبل الوصول .. صح والا غلطان )
يعني فنادق الثلاث نجوم مابين 130 و 170 ريال لقيتها .. احجز وااخليهم يقطعون ربع المبلغ من الفيزا .. ويرسلون الفوتشر بالايميل .. واريح راسي .. واذا ناسبني احجز عنده بعد اثناء الرجعه ..
ولضمان هذي التعاملات بالفيزا .. اصدرت بطاقة فيزا مدفوعه مقدما من البنك الاهلي .. يعني ان تحط فيها مبلغ ميتين او 300 ريال .. وتستخدمها استخدام فيزا بالظبط ..ابخليها للامور اللي زي كذا .. حجز وغيره ..
يعني ابخربها بكل فندق ابدفع مبلغ 15 بالميه من اول ليله .. واروح اتفرج براحتي ..
شكرا لك مشرفنا ..
واعتذرلك اذا فهمتني خطا
واوعدك بتقرير توحفه ماحصلش ..
الباب مفتوح للجميع ليدلي بدلوه

اخوي العزيزعند فندق ميركوري بسعر550 الف روبيه من كاها 2 مع الفطور
رمضان كريم

هلا وغلا بالشيخ سندي ..
معلومتك طيبة ..وسعر مناسب لا ثنين او ثلاثه اشخاص ..
تقدر تفيدني بارقام كاها المطار .. اذا اقدر اكلمهم يجهزو الحجز وانا بمطار جده .. واعرف الاسعار والخيارات ..
او اني استبدل حجزهم بالبحث عن طريق بوكينق وغيره ..
وماهي افضل طريقة واللي يسلمك بالحصول على سائق ..؟؟
يعني وين القاهم .. بالمطار .. والا يتجمعون عند الفنادق ....
هذا استفساري فقط ..
يا اخوان والله سافرت كثير .. ودرست برا بعد ..
ولكن تخوفي اني مابي شي ينغص علي اجازتي اللي جات بعد كرف سنتين تقريبا .. بدون اجازه .. :
للجميع ..
وجزاكم الله خير ورحم والدينا ووالديك ...

اذ انت من جدة عندك مكتب كاها
واذ حاب اخدمك اكثر ارسل ايميلك وسوف اتواصل معك
دمت بود

1. يعني فيه عده طرق للوصول لهم

اخوي دخون كاها لمطار حت يلو كلمته من الان ماراح تستفيد نظام المكتب غبي لازم الدفع مباشره وتحجز من عنده مباشره ما ينفع تحجز بالنت او تلفون من عنده
وله فرع بجده يسوي هلنظام الان الفرع جديد والاخوان اختلفوا بين انه فرع او وكيل للمكتب فقط
عموما اللي حجزوا منه بالصيف كانت حجوزاتهم جيده منه وحسب من عرفت من الل يحجز منه ان حجوزاته كانت بدون مشاكل
ارقام المكتب موجوده بالمنتدي واخونا ابو فارس ما بيقصر كعادته بيحطها لك باذن الله
انااشوف انك شايل هم السواقين
والسواقين يا غالي زي مااجبتك ارقامهم موجوده فوق بموضوع مثبت المجرب منهم
اذا ما وافقت اي واحد منهم ناسبك فيه مكتب تاجير سيارات في البونشاك قدام البقاله السعوديه
طبعا سوالك الطبيعي بيكون كيف اروح اصلا للبونشاك
الاجابه بتجد سواق يوديك لها وممكن يكون احسن من سواقين البونشاك او من السواقين بالنت اللي تاخذ ارقامهم عندك كذا طريقه
اولا تاخذ اكبر قدر من الارقام وترتب معهم باليوميه ي اخذونك للجبل وتجر بالسائق ناسبك ولا لا
وثانيا التكسي ممنوع نظاما يخرج خارج جاكرتا بس الغالب منهم يطلع وبيخوفك بمخالفه ومدري وشو من هالامور اذا قدرت ترتب نفسك مع تكسي او اطل بمن الفندق سياره قبل تطلع بيوم او يومين لتروح لبونشاك وراح يوفورونها لك سوا من مكتب رسمي او وسيط وانت تتفاهم معه وتكون واضح بتفاهمك معك متي يبدا اليوم ومت يينتهي والقيمه والتاكس والبنزين عليك ولا عليه الخ
وعموما اذا بلشت يعني ما قدرت تدبر عمرك وهذي نادره عندك عده مواقه في جاكرتا تقدر تجد فيها سواقين
يا المطاعم العربيه برادن صالح زي اميره مثلا خلفه مكتب تاجير سابقا بالشارع الخلفي له الان غير موجود بس فيه سماسره ممكن ينفعونك او مكاتب السياحه هناك يوفرون لك سائق لو يوم واحد قد يكون مشواره اغلي اذا ما وجدت سائق بالاتفاق معه من هنا قبل سفرتك تحمل زياده يوم واحد او مشوار اذا ما وجدت وهبعد ما توصل بتلقي سواقين ببونشاك
والفنادق غالبا الاربع نجوم وفوق توفر لك سياره اذا انزنقت مره توصلك لمشوارك ال يتبيه حتي بتكسي اذا كان متوفر عندهم بشكل نظامي
فيه نوعيه من التكاسي ممنوعه تخرج عن المدينه ونوعيه اخري مسموح لها اعتقد الفكره وصلتك يا غالي

يعني فيه عده طرق للوصول لهم

مشكلتنا ببساطه ما نقدر نسمح بوضع ارقام سواقين من هوانا ولا كان طقينا لك الف رقم كلهم سواقين او دلاللين سواقين او سماسره سواقين بس هذولا مشاكلهم واجد وبالاخير ممكن تلومنا عليهم لان السائق ممكن يكون هلشهر كويس مع زبون ويجي زبون ثان ييخربه وتجي انت بعده ويحط الحره فيك ويخرب رحلتك فالافضل انت تختار من ترتاح له نفسك هي كلها مشوار للجبل وهناك بتلقي السواقين متوفرين باذن الله
انت جبت واحد من الحلول بس لازم تكون حريص مع هلنوعيه بشكل شديد ما راح يزرفك ولا يسرقك ولا ياكلك مثلا بس بيعابط شوي وهذا غالبا يحصل للسائقين ال يفيالمطار اول ما تطلع من صاله المطار تلقاهم صافين يحرجون كداده علي روحهم تقدر تختار من تتوسم فيه خير منهم وتتفاهم معه انه يوديك للبونشاك اذا حاب تطلع لها دايركت او تاخذ رقمه ثاني يوم يجيك مثلا بس اتفق معه وخلك صريح جدا في الاتفاق يكون معك للساعه كم ويدور معك في الفلل مثلا لفيلا تناسبك لان سواقين المطار عاده ياخذونها قطاعي يعني بيوصلك للجبل ويروح بدربه مايبي يفتر معك فيه ويدور فلل مهب زي السواق باليوميه
الفكره وصلت اعتقد بهذا الشرح الممل

وتنبيه لا تحط ايميلك عشان ما تتعرض لاجرا ء اداري تعليمات البوابه واضحه يااخوان بارك الله فيكم