ابوخالد1978
26-11-2022 - 12:54 pm
السلام عليكم ورحمة الله وبركاتة
اخواني اعضاء هذا المنتدى الرائع حبيت اني اطرح لكم عدة اسئلة واتمنى من الجميع المرور عليها
وافادتي عنها واتمنى ان اي احد مايبخل علي في اي معلومه مهما كانت هذي المعلومة لاني احب اجمع
جميع التفاصيل قبل السفر والتوجه لاي دولة علما اني المسئول للرحله لان اللي راح يسافرون معاي
حملوني مسئولية تامين الرحله من الذهاب الى العودة بمشيئة الله العلي القدير اطلت عليكم بالمقدمة
ولكن حبيت يكون الجميع مطلع عن سبب اهتمامي باادق التفاصيل.
بعد عدة مشاورات رست اختياراتنا المتعددة علي انا ومن معي على ان تكون الرحله مدتها (22)يوم
موزعه على مدينتين من مدن المغرب الحبيب وهي (مراكش _ اغادير) نتوجه للاسئله واتمنى من الجميع
قرائتها ومحاولت الاجابه عليها بقدر الاستطاعه:
س1 : هل مدة الرحلة قليله ام كثيره ؟
س2 : الميزانيه المطلوبه لشخصين او ثلاثة اشخاص لهدة الرحله ؟
س3 : فكره عامه عن هاتين المدينتين ونصائح اخرى ؟
س4 : اي معلومات تفيد شخص مسئول عن اشخاص لتامين سكنهم ومواصلاتهم واكلهم وشربهم فقط ؟
س5 : هل توجد اي نقطه يريد شخص افادتي بها واكون له من الشاكرين ؟
اسئل الله العلي القدير التوفيق والسعادة للجميع
ابوخالد
عشان تصيف صح مع الناس .
مبدئيا اخذوا معكم 30 الف ريال يعني كل واحد عشره .لازم
يكون معكم بطاقتين فيزا لانكم ثلاث اشخاص للضروره .
لاتسكنون في فنادق حتى تكون الصرفيه معقوله اقترح شقه
ثلاث غرف . في التنقلات استخدموا القطارات اوفر واحسن
من مراكش الى اقادير استخدموا الباص (سبراتور) تحصلونه عند محطة قطار مراكش
انا الصيف الماضي طالع فيه ولا اروع ونظيف ومكيف الشخص ب 100 درهم
الشقق في مراكش متوفره ولاكن في اقادير لازم تشوفون لكم حل بالنسبة للشقه
لان اغلب الناس اللي يروحون لاقادير يسكنون بفنادق حتى انا سكنت في فندق
ولكن دوروا اكيد بتحصلون شوفوا شقق المارينا بس تراها غاليه شوي .
ترا الاسعار في اقادير مرتفعه شوي عن باقي المدن .
جربوا اسكنوا بفله اذا انتم ثلاثه راح تكون اوفر لكم سواء بمراكش او اقادير
وخلوكم حريصين في كل شيء مثلا الصرف يعني عدوا الفلوس زين ولاتخبرون احد انكم راح تمشون
بكره قولوا ممكن نمشي بعد خمس ايام او اربع واخر يوم غيروا التاكسي اللي متعاملين معه .
من باب الحيطه والذهانه
ترا ما حصل معي شيء من هالامور بس يعني الواحد يحتاط لكل شيء
اذا بترجعون من اقادير الى كازا لازم تضبطون اموركم زين يعني لو تبون الباص
روحوا واحجزوا من بدري قبل العوده بثلاث او اربع ايام لانها صارت معي العام
كنت بحجز على الباص قبل سفري بيوم قالوا مافيه الا بعد ثلاث ايام
وصدقوني راح تنبسطون الديره حلوه كثيير للي يفهمها .
لايفوتكم عصير البرتقال اللي في ساحة الفناء بمراكش يجنن .
تمنياتي لكم بسفره سعيده وموفقه
اخوكم / حزين الضماير