ريان العمر
29-10-2022 - 06:45 pm
الاخوان اعضاء البوابة الافاضل
عندي مشكله حقيقيه وارجوا مشورتكم
حيث اني عزمت السفر الى تركيا واخترت الفنادق وحددت موعد الرحله الا وهو بعد عيد الفطر ان شاء الله وتوجهت الى شركة ريكسون وتم دفع العربون
ولاكن ؟؟
قرأت عدة مواضيع للاخوان هنا يحذرون من السفر الى تركيا او من عماليات الاحتيال او المافيا الموجوده هناك
وحيث اني مسافر مع زوجتي وطفلي الذي في عمر السنه فقد تخوفت كثيراً من السفر لهذه الدوله وحتى انني كلمت المكتب اليوم لاغير وجهتي الى ماليزيا ولاكن علي دفع غرامه تفوق الالف ريال ولا يهمني مبلغ الغرامه بحجم مايهمني راحة البال والسفر وانا مرتاح
ارجوا منكم كتابة اقتراحاتكم والتكرم علي بمشوراتكم القيمه لاني لدي 24 ساعة لاقرر مصير رحلتي
هل اجزم واتوجه الى تركيا او اغير مسار الرحله تماماً ؟
وبأذن الله لكم دعواتي في ظهر الغيب *
ماعندنا خطف الاطفال الصغار ؟
ماعندنا سرقه كفرات سيارتك وانت ماتدري ؟
ماعندنا سرقه السياره بكبرها ؟
ماعندنا يتابعونك وانت تصرف من الصراف ويهددونك بالسلامح وياخذون اللي معك ؟
ماعندنا احد يتابعك ويتابع بيتك واذا طلعت دخل وسرق كل شي ؟ هذي المافيا الحقيقيه وكلهم من بني جلدتك
وعد واغلط انا اخاف على اهلي وبيتنا هنا اكثر من برا .. تقدر تخلي ابنك او اي ولد صغير يطلع الحين يشتري مثلا من البقاله ؟ اول كان عادي الحين مستحيل يوقفونهم ويسرقون كل اللي معهم
هناك على الاقل ماهي بهالصوره .. اللي ذكر كله تجارب شخصيه وطبيعي تكون في اي بلد