تسلم على هذا الموقع المفيد .. وبارك الله فيك

ماقصرت أخويه بو محمد والله يعطيك العافية على هذه الموقع المميز ،،،،

تسلم اخوي ومجهود تشكر عليه :bounce8::gathering

1. : 108: المقصة العالمية

: 108: المقصة العالمية

في الجناح البريطاني في القرية العالمية في دبي تشوف الزعفران الإيراني وتقول: يا سبحان الله, لندن يطلع فيها كل شي حتى البنت القراشية اللي تبيع، وفي نفس الجناح تشوف العسل اليمني وتقول هذا من بقايا الاستعمار البريطاني لعدن. وفي الجناح السوري تشوف بعينك التعاون بين الشعوب: الصابون تايلندي، الكريمات هندية، الشباصات صينية، الشنط إيطالية. وفي الجناح الهندي تشوف نص المحلات نعول والباجي خلق، لكن على يانب فيه كم محل يبيع أحذية ومحلين يبيعون أقمشة وفيه قرية ما ادري شو اسمها بس إفريقية ويبيعون طبول وشويه بلاوي سوده بس حتى هذي القرية اللي مفروض يقفلون المغرب لانك يوم تدخل في الليل ما تشوف حد بس ضروسهم البيض .. حتى هالقرية الهنود لاحقينها يبيعون فيها خلقهم.
أما الناس اللي يبيعون في هاذي الأجنحة، ففي الجناح الألماني هنود، وفي الجناح الياباني فلبينيات، أونه نفس الشكل بس اللي عنده خدامه ولا راح مكتب خدم يعرف إنها فلبينية لأنها تقولك: آي ونت جو تو قراما باي تقسي .. والناس تمر عليها وتوقف ما أدري ليش ؟؟
وفي الجناح الكويتي كلهم هنود، والمحل اللي فيه كويتي قاعد عنده كتب للعرض لانه يستحي يبيع خلق، ما أدري ليش ياي المعرض ومتعب عمره ؟؟!!، وفي وسط الجناح الكويتي فيه واحد خال يرقص رقص شعبي بروحه. اللي ما يعرف السالفة يتحراه مينون.
أما الأسعار فحدث ولا حرج مقصة، بس الناس مشكلتهم ما يقرون شو مكتوب على المحلات بالحبر السري ( الحياة فرص ونحن بعيد عنكم استغلاليين ). وواحد من الشباب سار ويّا ربعه وكانوا ثلاثة للجناح الهندي، ويلسوا على الكراسي وطلبوا شاي كرك، وبعد ما خلصوا قالوا أكيد الكرك اللي ينباع برع بنص إهنيه ينباع بدرهم، ودفعوا ثلاث دراهم لكن الريال طلب خمسة عشر دراهم , أونه الكرك بخمس .. وعلى الكرك قيس باقي البضايع .
بس تدرون شو اللي رفع الأسعار أن الاوادم داخلين على بالهم كل شي ببلاش وما عرفوا انه سعر المتر في القرية العالمية تبيعة الدائرة الاقتصادية ب 25.000 آلف درهم , يعني المشكلة مب من الفقارى اللي يونا من خارج البلاد عشان يستثمرون فلوسهم ويمثلون دولهم أقل شئ يعوضون خسارتهم الحين عرفتوا من الرابح الكبير من هذي المسرحية الدايرة الاقتصادية!!!!
بس هالمنظمين صدق ما يهمم شو يستوى في القرية العالمية لان كل القرى تبيع منتجات دول ثانية، و كلها يشتغلون فيها ناس مب من نفس الجنسية، و كل القرى يوم تدخلها تحس إنك في سوق نايف والا السوق المركزي، و كل البضايع غالية، و بعد خبرة عشر سنوات في تنظيم القرى كان يفترض جماعة التنظيم ينتبهون لهاذي النقاط الرئيسية،ومثلا القرية البريطانية أصلاً ما تمثل بريطانيا، ولا السويسرية أم البقر، ولا التشيكية، وهلم جرا. لكن إذا كانت الإمارات بكبرها نفتقد فيها الناس اللي مفروض يمثلونها: الويوه والأشكال واللسان والعادات والبضايع، يعني إمارات من غير إماراتيين، فشو يعني لو كانت الأجنحة في المقصة العالمية ما تمثل دولها؟