السلام عليكم و رحمة الله و بركاته
اخوانى و اخواتى اعضاء المنتدى
لاحظت و انا فى مكتب استخراج دفتر التربتك لسيارتى لوحة بقرار يشير الى منع اى سيارة دفع رباعى نازلة مصر بنظام الأفراج المؤقت (التربتك) انها تدخل عن طريق ميناء نويبع المشترك مع الاردن او طابا المشتركة مع اسرائيل
و بالتالى السماح فقط بالدخول ع طريق موانىء البحر الأحمر سواء كان سفاجا او الغردقة
و الموضوع حسب ما سمعت كله امنى مش لاى سبب اخر
اما السيارات السيدان فممكن تدخل عادى
و علشان كده حبيت اشارك الخبر معاكم علشان اللى بيفكر ينزل بسيارة دفع رباعى يكون عامل حسابه
اما عن الصورة اللى كنت مصورها للقرار معرفتش ارفعها مع الموضوع لرفض الموقع بسبب قلة مشاركاتى
مع تحياتى