أتمنى من الاخوة السعوديين الرد
وطبعا استشفيت من خلال الاخوة السعوديين مسموح لامرين:

• بزنس
• علاج

بس احنا رايحين سياحه .. وعائله بعد
وشكرا اخوي عالمساعده .. ماقصرت يالغالي

british visitor
هلا بك اخوي
الدعوة ماهي على العوائل ولا عزاب
الدعوة مشاكل سياسية بين السعودية وتايلند
واذا تبي تتفاداها لازم تطلع لها من دولة ثانية
وبالنسبة للجوازات ما يقولون لك شي اذا جيت لانهم ما يدرون انك جاي من تايلند
لكن المسائلة تكون عند تجديد الجواز وفي الغالب لا يتعدى التحقيق والمخالفة 500 ريال عن كل شخص
واذا عندك واسطة ان شاء الله تمشي امورك سلام سلام
اتمنى اني افدتك

أخوي بارك الله فيك وش اللي حادك على تايلند الله لايردها من ديرة بتجيبلك مشاكل وتحقيق وغرامات وغيره أكثر ماكثر ربي هالدول شفلك دولة أخرى وريح بالك يالغالي .
تقبل مني كل الشكر والتقدير .
بدر التميمي

أخوي الزائر البريطاني
بامكانك الحصول على تصريح من الأماره أو الغرفة التجارية .. مثل ما قال أخوي @نواف الغرامه 500 ريال والتحقيق زي ما سمعت للشباب فقط والديره تستاهل يندفع عشانها غرامه ;) أهم شي لا تطلع عن طريق الخطوط السعودية لأنهم يطلبون التصريح قبل الاقلاع ماعليك منهم اصلا سعرهم غالي ومروحين اطلع ترانزيت على القطريه والا اتحاد يالبا قلوبهم وش زينهم وزين سعرهم
اللي يعرف تفاصيل هذي التصريحات او طلعها ياليت يفيدنا علشان الجميع يستفيد ومشرفنا يثبت فيها موضوع

شوف حبيبي عندك واسطه امورك تمشي
ماعندك الله يعينك على الغرامة
انا دفعت 500 ريال واستلمت الجواز بعد يمكن شهر جالس عندهم
ويمكن توصل 1000 ريال ويمنعونك من السفر لمدة سنه
تبي النصيحة
لاتسافر صح الديرة حلوة ورخيصة بس شعبها يستغلونك في كل شي
تخيل مره سائق تاكسي خذ مخالفة ويقول لي اددفعها
يستهبل صح
واذا معزم معزم مره لاتفوتك شنق ماي
ماينعرف لي صح مره امدح ومره اذم
بالتوفيق .

والله حلوه وتستاهل روحتها وتستاهل الغرامه بس هى مشكله تاخير الجواز
انا لو بيدى والله كل سنة اروحها اذا عالاستغلال عادى طالما انك سائح شي بديهي بتلاقي استغلال واعتقد في معظم الدول هالشى اتمنى ما تفوت الفرصه

بكل صراحة الديرة فوق الحلوه وليش تخليهم يستغلونك يا حبيب قلبي خلك قوي عندهم ،،، بس ماهو قصدي انك قوي تعمل عنتر عليهم ومشاكل تراهم والله شعب طيب ومغلوب على امره يعني خل لسانك احسن من العسل وخلاقتك احسن ما يكون والله راح تكسب اشيء كثيرا وماهي في الحسبان ،، انا هالديره صار لي فترة اروح لها، وبخصوص الاخوان السعوديين الله يكون في عونهم ان حسب ما سمعت من واحد في السعودية ويعمل في مكان مرموق بأن فعلا اذا في واسطة راح تروح وانت مغمض وبعد قال للي يمكن تاخذ امر من امارة المنطقة اللي انت تسكن فيها عن طريق تجاره او عذر طبي لغرض العلاج؟ واعتقد السفر بدون امر صعبة وفيها مغامرة بدون علم الجوازات في السعودية بخصوص المشاكل التي حدثت منذ سنوات في تايلند مع القنصل السعودي ، وكذلك احد رجال الاعمال السعوديين (الرويلي ) الذي تم قتله على يد مجموعة من الاشخاص ويتهم فيها رجل شرطة في تايلند والله اعلم، فقط للتوضح ؟؟؟؟؟

السلام عليكم
شوف أخوي انارحت اجدد الجواز حقي شاف العسكري ختم تايلند اهم شي صادر جوازي لمدد 6شهور وغرامه 1500 ريال وحذرني المرة جاي يصادرونها 3 سنين وغرامه 5000ريال إذا انت قادر تتحمل يصادرون جوازك 3سنين وغرمه 5000ريال فتوكل مع العلم الغرامه لشخص واحد.