نشر في باريس

منتداي العزيز منو بيسعفني لسفرة حلوة

*خدلج*

27-09-2022 - 05:05 am

السلام عليكم ورحمة الله وبركاته
احم
أنا لازم اقول ان مالي ويه أدخل..لأني مديونة لهذا المنتدى بالكثير ....فأنا رغم انشغالي وعدم مشاركتي (للأسف ) إلا إني من المتابعين...
فهذا المنتدى ساعدني في
رحلة ل لندن النمسا سويسرا
وفي رحلة أسبانيا
واليوم أنا حابة أضيف لجولاتي واستكشافاتي دول يديدة..
ندخل في صلب الموضوع
في يونيو عام 2011 ......بالتحديد من 10 إلى 23 ......
أنا وزوجي واخته وولدي 3 سنوات وبنتي 8 شهور
ناوين برحلة مميزة لفرنسا وألمانيا
ابغي ازور باريس ...ديزني عشان ولدي يتونس...وعقبها اي منطقة ريفية لأن ناويين نتنقل بالسيارة للاستمتاع بالاجواء....
ثم ابغي ألمانيا ميونخ......
يعني بالمختصر الرحلة بتكون
فرنسا (باريس ثم ( ..؟؟؟؟..) ومن بعدها ميونخ للشوبينج ... ومنها العودة للامارات
المدة قصيرة وانا سبق وزرت فيينا وزلارمسي وبادغاستين وانترلاكن و جنيف و لندن..
فأبغي رحلة تتضمنها المدن و نفس الوقت نمر بمناطق ريفية حلوة ...وما تكون مكررة للمناطق اللي سبق وزرتها......
والراي رايكم
ومشكورين
اختكم
خدلج

التعليقات (8)

Mezajee_KSA

27-09-2022 - 08:27 am

ماشالله كل هالسفرات ساعدك المنتدى فيهم .. ماشفنا تقاريرك !

أرجنتيني للابد

27-09-2022 - 09:28 am

*خدلج*
وعليكم السلام
اختي المده 13 يوم
طبعا تبون باريس اول لازم تستخدمون المترو وليس السياره
لانها غير مفيده وكثره مصاريف فقط
والمترو يوصلج كل مكان في باريس
طبعا بما ان تحبين التسوق يكون برنامج باريس 10ايام
طبعا السكن سيكون في قريه ريفيه وليس في باريس
وتقدرون تروحين لباريس بالمترو
السكن مميز ورخيص وحلو وهادي وريفي
ونظيف ومرتب ولكن غير فخم وقريب لباريس
طبعا المكان عن ديزني 10 دقايق بالمترو
ويبعد عن وسط باريس 40 كيلو
يقع المنتج في قريه Magny Le Hongre
طبعا هدوء وطبيعه
وعنده الاولت اوت
3 غرف نوم و صالة و مطبخ و حمامين الله يعزكم على 142 يورو الليلة
يعني بحدود ال70 دينار
طبعا القريه فيها عرب
واسواق كارفور ومطاعم كثيره كالماكدونلز وغيرها
وتقدرين تفرين باريس
باقي 3 ايام
ومنها تطلعون طيران داخلي الي ميونخ ويكون التسوق في بميونخ
يعني السياره ماراح تحتاجونها
وهذا رايي

*؛؛شـمــوخ ؛؛*

27-09-2022 - 11:30 am

ارجنتيني كفى ووفى يسلم عمره

*خدلج*

27-09-2022 - 12:31 pm

Mezajee_KSA
يخرب بيت الكسل.....
بستجمع طاقاتي ....وإلا أنزل لكم شي....
تسلم

*خدلج*

27-09-2022 - 01:32 pm

أرجنتيني للابد
السلام عليكم ورحمة الله
تسلم اخوي ويزاك الله خير
بس لا فهمتني غلط...انا مب هوس سوق..بالعكس انا حبيت اخذ باريس 3 ايام ويوم دزني وبعدين نستاجر سيارة ونروح رحلة للدول القريبة لين نوصل ميونخ
اقصد المحطة الاخيرة تكون للتسوق اي يومين لا غير ....
بس لازال واجب اقول لك تسلم عطيتيني معلومة يديدة عن قرية قريبة من باريس
وتسلم
لازلت بانتظار آاراء أخرى

أرجنتيني للابد

27-09-2022 - 02:33 pm

*خدلج*
اختي المسافه كبيره بين ميونخ وباريس
فيها 900 كيلو او اقل يعني يوم محروق عليكم ويوم ترتحون يعني يومين راحو
فانصح طيران داخلي اذا تبون ارياف والراحه
انصح لاتروحون باريس يعني روحو الارياف وترا منطقه فرساي روعه روعه وتستحق السكن بها
يعني الارياف انا مالي خبره فيها واتمني الاخوان يفيدونج
طبعا انتي تبين السجل الشرفي اكثر من المتعه والمناظر والطبيعه
طبعا باريس تستحق 5 ايام وقليله بحقها وفيها مناطق
قريبه وكثيره

فيصل

27-09-2022 - 03:34 pm

ميوينخ من باريس بعيده بتمرين بعدة مناطق
شوفي هالرابط يوضح لك هالشيء
http://maps.google.com/maps?f=d&source=s_d&saddr=Paris,+France&daddr=STRASBOURG+to:Munchen&hl=ar&geocode=FVt-6QIdi98jACkPt-IGH27mRzFglIxow4ILBA%3BFRVR5QIdBSl2ACnBshheSciWRzEfJOcYMUgalw%3BFXaL3gIdGrOwACnZX4yj-XWeRzF9mLF9SrgMAQ&mra=ls&sll=48.55565,9.67584&sspn=1.407019,5.410767&ie=UTF8&z=7
بتمرين مدينه ميتز وقبل كم يوم شفتها بالنت وكانت رائعه لأن عضو يسأل بس ناسي منو وفيه كمان مدينه متاخمه للحدود الفرنسه الالمانيه هي في المانيا اسمها بادن بادن فيها عدة تقارير بالبوابه الالمانيه وأعتقد هالمدينه تمرون فيها
STRASBOURG أفضل وأشمل تقرير عنها هذا من مشرف المانيا والنمسا ابو عمر الله يوفقه
https://artravelers.com/p/re/439352
اذا فيه شيء مو واضح أبشري

*خدلج*

27-09-2022 - 04:35 pm

مشكورين أخواني.......انا رتبت بالفعل جدول لكن للأسف الرحلة راح تتأجل...
وتكون بالشتاالقادم....مما يعن مدى أطول ....
فمنها راح ازيد ايطاليا وبهالطريقة بنغير البرنامج....
بس اشكركم من كل قلبي

باريس المسافرون العرب

منتداي العزيز منو بيسعفني لسفرة حلوة