السلام عليكم ورحمة الله قبل تقريبا 5 ايام كنت بجدة ونزلت بمنتجع النورس ( الموفنبيك ) جدة اخذته ب2300 ريال بصراحه غالي بس على حسب ماسمعت من الكل انه روعه وفخم وخدمة لا يعلا عليها بصراحة ماكتبت الموضوع هذا الا من القهر الى جاني من المنتجع مع العلم اني توني راد من الفلبين وكان المفروض اكتب تقرير ببوابة الفلبين بس من كثر ما ارتفع ضقطي منهم ودي اقول الى صار معاي
اول شغله لي معاهم يوم حجزت كنت مع اهلي بدون اطفال يوم اطالع معطيني غرفة سريرين رجعت وغيرت وخذت غرفة سرير واحد ثاني المطعم طلبت وجبتين للغداء وصلني الطلب بعد ساع ونص وطبعا كل 10 دقايق بعد ال30 دقيقة الاولى اتصل عليهم يقولي الطلب طالع طلبك عند الباب اخر شي محد يرد على تلفونهم مت والله اول مره تصير معاي فندق مايرد على تلفونهم المهم قزرتها بالاغراض الى كانت معاي بالطريق من التموينات الى على الطريق لحد ما وصل الطلب يوم اطالع الا لاعب بالطلب مالي ومغير فيه شغلات و بالوقت الى طلبت فيه الغداء كنت متصل على الهاوس كيبنج لان التلفزيون مو شغال عندي قال لي اول مره هذا من الرطوبة طيب من الرطوبة تعال غيره يرد على خلاص خلاص برسل لك احد يشوفة ونفس القصة على وجهة ابو نص ساعه ارد اتصل عليه يقول لي ارسلته وساعه ونص ونفس النظام اخر شي محد يرد على رقمهم الداخلي 445 ارتفع ضقطي منهم ومن المطعم اتصل على الاستقبال لو سمحت عطي مسئولكم اكلمة تفضل كلمني القصة كذا وكذا طيب دقيقة ويوصلك الطلب والفني وخمس دقايق ونفس النظام اتصل فيهم لو سمحت عطني مديركم يرد على محد جاك من الفنيين او المطعم المهم حولني على السوبر فايزر مالهم طلع اردى منهم ابو الشباب حتى مايرد على تلفونة مت من القهر دقيت سيارتي سلف وطلعت الادارة طبعا بالوقت هذا الى واصل لي الطلب وفي شغلات ناقصة التلفزيون محد شرف منهم خدمة الانترنت بالكيبل وترفع الضقط يبيله ساعه على مايفتح الاميل وماعندهم فني بالفندق حق خط الانترنت المهم رحت الادارة كلمة شخص مصري اسمة حسام او شي جذي حاول يهدي فيني المهم قال لي الغداء علينا قلت الغداء دفعت حسابة بس رد لي حساب الشغلات الى ماجابها لي والفني انا احاسب الشخص الى كلمك والحين ارسل لك تلفزيون جديد المهم طفشت من المنتجع جد باسلوبهم معاي كرهوني بجده حتى صار مالي خلق اطلع قلت رديت الشالية قلت بجرب اشبك دخلت الواب سايت مال الفندق شريت لي كرت دخلت على قوقل الا ساعه مو راضية تفتح معاي صفحة قوقل كرهت الفندق صار ودي اطلع بس اتصل عليهم ياشباب النت مش شغال دز احد يشوف شنهو العيب قبلها بيوم كنت بدار التوحيد وكان النت شغال معاي صح المهم قال شيك على لابتوبك يمكن فيه شي قلت مافي الا العافية بس دز لي احد قال بحولك على الشركة مالت خدمة النت بالمنتجع وانت اشرح لهم مشكلتك قلت مش مشكله حولني على هندي كلمته الخط بطية حيل مايفتح اي صفحه معاي وانتم خطكم زين 3G قال ايه خلاص ساعه واجيك لان محلنها بره المنتجع طيب وهم على وجه بس اتصل بعد ساعه وقال عندي زحمة اليوم وماراح اقدر اجي اليوم بكره قلت خير ان شاء الله بعد ماسكرت التليفون من الهندي والله كنت مفكر اسوي شيك اوت وقتها وكانت الساعه تقريبا 6,30 المغرب ما احس الا المصري الى اسمة حسام مرسل لي صينية حلو وفاكة وعصير مجاني يعني ترضاية بعدها انحرجت اروح اسوي شيك اوت ثاني يوم من الصبح الساعه 9 انا طالع وربي بالموفنبيك عرفت معنى المثل الى يقول يامن شراله من حلاله عله ما ادري بعد هذا السبب من الفندق او يمكن لاني كنت توني جاي من فندق دار التوحيد وفرق الخدمة هناك عن النورس يخليو الساعه وحدة ونص في الليل اتصل على الاستقبال اطلب كريم ابو زليقة بسبب العمره والله انصدمت بعد خمس دقايق ما احس الا واحد من الشباب الى بالاستقبال رايح وشاري لي واحد من جيبة وجايبة لي من غير فاتوره ولاشي ولا سال عن عن فلوسة صج ان فلوس الكريم ماتسوى شي كلها 20 ريال بس الخدمة شي خيالي على اي حال يمكن البعض يوافقني ان ادارة الفندق سيئة جدا ويمكن البعض يخالفني الراي بس هذا الى حصل معاي وهذي كم صورة للشالية من داخل