الى رواد منتدى العرب المسافرون
اسعد الله اوقاتكم بكل خير >>> مذيع في ملعب
بحكم زياراتي المتكررة الى تايلند وحيث اني سأحطم الرقم القياسي (8 شهور 4 سفرات لتايلند)>>>الوعد تجديد الجواز
حبيت اوضح لكم ان فيه مناطق العرب متجاهلينها بشكل رهيب جدا بالرغم من انها سياحية ومليانة اوربيين مثل جزيرة كوشانج يقدر الواحد يروح لها بتاكسي رحت لها الشهر اللي راح الصراحة خيالية تصلح الواحد يقضي فيها يومين على الاقل خصوصا منطقة الشاطيء الابيض وانا طلعت لها من بتايا
ولما رجعت منها جلسنا يوم في بتايا وقررنا نروح لكانشنبوري الرائعة تمتاز بوجود نهر رائع والبيوت العائمة وشلالات واسواق شعبية رخيصة جدا جدا
والشيء الغريب والغير مصدق اني ما صادفت اي عربي لا في كانشنبوري ولا كوشانج بالرغم من جلوسي حوالي ثلاثة ايام في كل مدينة.
ورجاء من اهل الخبرة وعلى راسهم ابو راشد
اذا عندكم اماكن تستحق الزيارة قريبة من بانكوك يعني (4 ساعات بالتاكسي مو مشكلة) ياليت تفيدونا لاني الصراحة مليت بوكيت ومليت شنق ماي وودي بالقريب بدون طيران
وشكرا