محد يعرف انا مادري قالو لي اسمه منتجع إلينتا الظاهر او اسم ثاني مو متذكرة ياريت اللي يعرف لايبخل علي محتاجة مساعدتكم

عندج فلل Malisa
شوفي هذا الرابط http://www.malisavillas.com/villas/villas_main_self.html
انصحج تختارين الفله من نوع grand pool villa

مشكور اخوي ماقصرت الله يوفقك ان شاء الله
هذا في اي دولة ماليزيا وبالتحديد اي منطقة في ماليزيا
واذا تعرف اماكن حلوه بعد سياحية ورمانسية لا تبخل علي لان ولا مرة رحت هالدول الاسيويه ومو عارفة
جعلها في ميزان حسناتك

هاذي الفلل تقع في جزيرة بوكيت وبالتحديد في الكاتا بيتش وتسمى فلل مليسا وليس ماليزيا
اما بخصوص المنتجع الي يبعد عن بوكيت ساعه اعتقد تقصدين
منتجع راتشا والي يقع في جزيره راتشا تروحيلها عن طريق البحر وهذا
رابطهم http://www.phuket.com/theracha/
واعتقد لو تحددين جدول الرحله في الاول افضل وبهذي الطريقه نقدر نساعدج اكثر ونحددلج الاماكن السياحيه وتوزيع الايام ولو حبيتي جدول مقترح حاظرين فقط عليج تحديد المده من والى .
تحياتي

اختي شوفي هالمنتجع
LHC at Sheraton Private Pool Villas
وهذا الرابط حقهم
http://www.lagunaholidayclub.com/

اخوي بو شمسه صراحة ماقصرت
انا بروح لمدة اسبوعين ماليزيا وتايلند
يعني من البحرين إلى ماليزيا ومن ماليزيا الى تايلند وبعدين من تايلند الى البحرين
والتاريخ الانطلاق 10/10/2009 إلى الرجوع 25/10/2009
وانا قلت اسبوع في ماليزيا واسبوع في تايلند وصراحة ماعرف شلون اسوي جدول لان ماعرف المناطق السياحيه بس شفت في النت ومن خلال المنتدى والاهل قالوا لي على جم منطقة بس بعد للحين ما حددت وين اروح
خصوصا لشهر عسل وفنادق راقية 5 نجووم ابيها رحله تكون روعه
فياريت اذا تقدر تساعدني نسوي جدول سوى للرحلات الداخليه والله يوفقك

etam مشكور باخذ معلومات من الموقع اللي عطيتني الف شكر

منتجع لاقونا في مسبح خاص ورتشا في تحجزين منالفندق غرفه مع مسبح خاص

هلا اختي
مدام رحلتج بتكون من 10 - 10 – 2009 إلى 25 – 10 – 2009 وموزعه بين ماليزيا وتايلاند ومن المحتمل يكون وصولج لأول محطة بتاريخ 11 – 10 – 2009 يعني بتكون المده كلها 14 ليله
و اقترح عليج اقتراح مبدأي طبعاً قابل للتغير وهو كالآتي:
1- البحرين – كوالالمبو
كوالالمبور: الاقامه في فندق الماريوت لمدة 3 ليالي.
2- كوالالمبور – لنكاوي
لنكاوي: الاقامه في فندق بيلانكي بيتش لمدة 4 ليالي.
3- لنكاوي – بوكيت
في بوكيت الإقامة كالتالي:
ليلتين في فندق هوليدي ان في الباتونج بيتش.
ليلتين في فندق مليسا فيلا سويت (حوض سباحه)
4- بوكيت – بانكوك
بانكوك :الاقامه في فندق الانتركونتيننينتال (اجمل فندق سكنته في بانكوك) لمدة 3 ليالي.
5- بانكوك – والعودة إلى ارض الوطن
ملاحظة: بعد القرار النهائي من قبلكم بشأن ترتيب برنامج الرحله سيتم البحث عن الطيران المناسب للتنقل بين المدن وترشيح مواقع حجز الفنادق ذات الاسعار المناسبه وبعد الانتهاء من ذالك سيتم توزيع برامج الرحلات والمناطق السياحيه في كل منطقه ماعليكم سوى القرار والتأكيد النهائي.
تحياتي
اخوج بوشمسه