من اللحين افضل تحجزين لو كنتي بتروحين بعد رمضان وبالنسبه لي افضل خطوط السعوديه
طيب انتي مافكرتي بمدن معينه ؟؟
ارشح لك استنبول 6 ايام وازنجول 4 ايام وانطاليا 4 ايام والذهاب بالطياره
والليره تساوي ريالين ونص
والصرف اليومي على حسب الشخص يعني اتوقع من 500 ريال وانتي طالعه اذا كنتي اقتصاديه تكفي
اكل وشرب ومواصلات وتذاكر للاماكن السياحيه

اختي الغاليةرحلة موفقه وسعيده باذن الله
بالنسبة لي اسطنبول جدا رائعه وكررت الزياره لها كثير اعجبتني منطقة السلطان احمد منطة امينونو المطاعم و الكفيهات اللي تحت الجسر وامام البحر تميز اسطنبول لو اجلس هناك اسبوع بنفس المكان ما مليت
كثيرين يحبون منطقة تقسيم وشارع الاستقلال ما ادري احس كأني بأي دوله مافيه شي يميز
طبعا ميني تورك المجسمات حلوه
قصر دولما بهجه مميز
اعجبتني ترمال استجمام ولا تنسين تاخذي حمام تركي فيه خاص بالسيدات وسعره رخيص مره
برضة رحلة للجبل والشواء ببورصه
منطقة رائعه اعجبتني بالشمال التركي وانت رايحه لصوميلا بيجي بنفس الطريق مطعم تحته انهار غاية في الجمال
طبعا اوزونجول غنية عن التعريف جنة الله في ارضه بعد معشوقتي زيلامسي
شلالات داودن و شلالات ماقافات بانطاليا رائعه
زرت اماكن كثيره لكن هذي من وجهة نظري افضلها
مثلا جزيرة الاميرات ما تستحق الزياره
ايا صوفيا عادي
الاسواق مافي شي مميز ممكن عشاني من سكان الرياض المشهورة بروعه اسواقها
ممكن اخوانا بالمنتدى يفيدونك باشياء ثانيه
ولو تذكرت حاجه بقولك

اختي احجزي من الحين انا من اسبوع حجزت التذاكر غاليه والله
ارخص شي خطوط ناس
انا بروح المدن الي ما يحتاج لها طيران داخلي لاني اشوف ان تركيا كلها خضرة وطبيعه
والمده 14 يوم
اخوي كلي جراح ودي اسألك انا من اول متردده من جزيرة الاميرات واحس ما فيها شي يسوى وودي استبدلها بالمنطاد وش رايك تؤيدني ؟

مشكورين جميعا الله يرضى عليكم
خيتو لمسة ذوق متى سفرتكم ان شاء الله ؟؟ وبكم التذاكر يوم تحجزينها ؟ وكيف هو برنامجكم اللي تقولين ما فيه طيران ..
ممكن تخبريني عن المدن اللي بتزورينها ؟

هلا بك اختي
سفرتنا بأذن الله بالعيد 8 شوال
بنوصل ونروح يلوا على طول ونسكن في وحده من قراها ونجلس 4 ايام
ونروح بورصه يومين نزور جبل اولداغ و الشجره المعمره ويوم القريه التاريخيه والشلال
وبعدها نروح سابنجا يومين
وبعدها اسطنبول 5 ايام
حجزنا على طيران ناس الشخص ب 1500 تقريبا