حياك الله اخوي الكريم وان شاء الله مانقصر
الجواب :
الجدول الافضل حسب رغبتك
البدايه بميونخ يومين ثم الى زيلامسي 4 ايام انسبروك يومين انترلاكن 4 ايام والنهايه بجنيف 3 ايام .الرحله 15 يوم
تأجير السياره خيارات كثيره ومنها النت طبعا او بلدك اذا توفر .. استلم السياره من ميونخ وتسليمها بجنيف..
لا انصحك بفلل للاسباب عددكم قليل ؟. السعر غالي نسبيا ..
انصحك بفنادق 4 نجوم واعتبره اختيار مميز لكم حيث سوف نختار لكم الافضل ان شاء الله
موعد السفر ممتاز.
الميزانيه تعتمد على امور كثيره منها سعر الفنادق والتذاكر وايجار السياره والمصروف اليومي . ولكن بشكل عام بحدود 25 الف الى 30 الف تزيد او تنقص
اما بخصوص الفيزا من اي مكان حسب معلوماتي بالسعوديه المهم فيزا شنغن .. وان كنت افضل استخراجها من ميونخ كونها بلد الوصول . المده اسبوع الى اسبوعين
والسلام ختام

بارك الله فيك ورزقك الجنه ووالديك
طيب لو رافقنا احد اصحابي ومعه زوجته كيف تكون الرحله وهل نستأجر فله وها تقل التكلفه

اولا اخوي اين تريد فيلا وعموما باوربا الفيلا بالريف قد تكون بعيد عن الاماكن المشهوره ..
وبما انكم عرسان افضل لكم الفنادق للامور كثيره منها القرب من السنتر او لوحاب ممكن اكتبلك عديد من الشقق الراقيه والجيده وبمكان جيد نظام غرفتين وصاله وحمامين ومطبخ .
لكن بالاول نعرف المخطط كيف بيكون وانا حاضر ومبروك الزواج يالغالي

الله يبارك فيك اخوي
انا شفت هنا تقرير لاحد الاخوان بصراحه وبعدة قررت اروح واعمل نفس برنامجه ولكن اقل مدة
وهذا الموضوع
https://artravelers.com/p/re/337072
انا سبق وان ذهبت الى سويسرا لكن عزوبي لاارغب في الاماكن المزدحمه اريد الطبيعه البكر والسكن هناك والتنقل بحريه في سيارتي .

وله يهمك اسئل على راحتك اخوي :
انا شاهد التقرير وهوممتاز .. لكن هل يصلح لكم كونك عريس جديد ..
وبلا شك قرات الاماكن الذي زاروه وهي ر يفيه بحته وبعيده عن الاماكن السياحيه شوي
لكن كما ذكر انه بعض الفلل الايجار بالاسبوع ..
انا من رايي تسكن بالاماكن المقصوده سياحيا .. ولكن لا يمنع انك تجرب مثل اخونا بو رنا اذا حاب
وبالتوفيق اخوي اذا في اي استفسارات انا حاضر

نعم يصلح لي وانا ماقررت الا بعد تقرير اخونا الله يجزاه خير
اذا بالامكان احصل فلل باليوم مو شرط تكون فخمه اهم شي تكون بالريف لانها بتكون للنوم والطبخ فقط
انا بيروح معي واحد وزوجته يعني بنكون اربع اشخاص كذا يصلح نعمل البرنامج نفسه وكيف بتكون التكلفه
واذا انت تشوف غير كذا على شورك اجل ادري ازعجتك بس تحملني مالي الا انت يوقف معي عسى الله يجزاك عني كل خير وييسر امورك

حياك الله اخوي الكريم واحنا بخدمتك ان شاء الله
شوف اخوي السكن بفلل تحتاج طبخ يومي مثل ما ذكر وايضا قد يكون المكان بعيد شوي .. وايضا ذكر الاخ ان عددهم تقريبا 6 او 8 ما ني ذاكر بالضبط .. اعتقد انهم عائله كبيره .. المهم المواقع المذكوره للحجز الي وضعها ممتازه لكن كما قال يحتاج منك بحث حتى تعرف قربها من بعض الاماكن .. ولو احببت تكون رحلتك على نفس هاذي المدن شوف المواقع الي كتبه وانا حاضر احدد لك بعدها من المناطق المشهوره .. ولا تنسى اخوي ان الحجز اسبوعي ما في يومي وهاذي عادة جميع المنازل تقريبا بأوربا ..
اما بخصوص نصيحتي هو طالما انكم عرسان انسب لكم الفنادق والاماكن الرئيسيه .. هذا اريي .. والراي الاول والاخير لك اخوي الحبيب .
هذا المخطط الانسب اذا تبي فنادق
بميونخ يومين ثم الى زيلامسي 4 ايام انسبروك يومين انترلاكن 4 ايام والنهايه بجنيف 3 ايام .الرحله 15 يوم
واذا تبي فلل ممكن البدايه بميونخ ومنها ايجار سياره يوم ثم الريف النمساوي القريب من زيلامسي اسبوع والريف السويسري اسبوع والرجعه الى ميونخ يوم او يومين ..
وبالنهايه انا ذكرت رايي .. والخيار لك
تحياتي لك وبالتوفيق