ياريت القى جواب
ارجو التكرم بالرد

وردة بيضاء
فيه باصات تودي من المطار الى محطة القطار....تقدر تحمل شناطك في الباص و تروح لمحطة القطار.....اهم شي انتبه لا ترح عليك القطار.....يبي لك ساعة الى ساعتين علشان تاصل لمحطة القطار

يعطيك العافية اخوي بيض الله وجهك على الرد
هل المطار الرئيسي يبعد ساعتين عن محطة القطار؟ حتى بالقطار ؟
وهل فيه حجز من النت للقطار الدولي لاني اريد السفر في نفس يوم الوصول واخاف ما القى شاغر ؟
مشكور مرة اخرى

وردة بيضاء
القطار يبعد ساعه عن المطار....بس مع الزحمه يمكن تاخذينها بساعتين....
ما تقدرين تحجزين عن طريق النت ...حتى لو كان الموقع فيه الخدمه هذي ..بس جربي
http://www.trenitalia.com/cms/v/index.jsp?vgnextoid=3fdbe14114bc9110VgnVCM10000080a3e90aRCRD
هذا موقع القطار...نصيحه سافري بالطياره الى النمسا
القطار الي يودي للنمسا بالليل ليس سريع....تجربه حلوه لانك تنامين في القطار....بس بيكون غالي و غير امن....لا تنسين ان كل غرفه في القطار فيها 4 اشخاص او اكثر....
متاكده انك بتروحين بالقطار...
فيه طيران رخيص
http://www.ryanair.com/en
بس تاكدي انه يطير من نفس المطار الي يتاصلين فيه....ممكن سوال ليه حاجزه لروما و انتي ما راح تقعدين فيها ساعه!!!!!!!!!!!!!!

يعطيك العافية
بالنسبة للحجز لروما هذه الرحلة اللي وجدناها ؟ ما في حجز لفيينا؟
والطيران اللي كتبته ما يودي للنمسا ؟
وجدنا طيران اخر يودي لفينا ولازم خمس ساعات اخرى لنصل للمدينة التي نريد السكن فيها ؟
فما في حل الا القطار ؟ فكرنا بالسيارة لكن خفنا من ان الطريق غير امن ؟
اخي اريد اسالك عن قول ان القطار غير امن ما هو السبب ؟ هل تعني السرقة اثناء النوم ؟
بالنسبة للنوم نحن عددنا مع الاطفال اربعة ما يكون لنا مكان خاص ؟
مشكور على التجاوب

وردة بيضاء
من روما الي فيينا بالقطار السريع اقل شي 15 ساعة....
روحي للموقع و حطي من rome الى vienna
بيطلع لك اكثر من طريقة...اسرع شي بيكون 15 ساعه...السعر للشخص 168 يورو للدرجة الاولى و الثانية 142 يورو للشخص الواحد
خط الرحلة بيكون
0FRECCIARGENTORoma Termini16:45Ve. Mestre20:2103:3615:34 236 Ve. Mestre21:18Wien Huetteldorf08:1911:01
من روما الى مدينة (Ve. Mestre) ثلاث ساعات
و من (Ve. Mestre) الى Wien Huetteldorf ساعةبالقطار الليلي 11 ساعة
ve. Master>>>>>هي البندقية
Wien Huetteldorf تبعد 5 كلم عن فيينا
يعني باختصار القطار من روما الى فينيسيا (البندقية) ثلاث ساعات....بعدها من البندقة الى (wien ) الي تبعد عن فينا 5 كلم
و القطار الليلي مش امن....لان فيه سرقات و احتمال ما تحصلين لك مع الاطفال بنفس العربه (الغرفة)...
تقدرين تسافرين عن طريق الخطوط النمساويه....
http://www.austrian.com/?cc=us
او الخطوط هذي ارخص
airbelin
سعر التذكره من للشخص ...حسب الحجز و الوقت...يعني تحجزي بدري السعر ارخص...ساعه وانتي بالنمسا و من المطار على طول للطيارة الثانية...يعني السعر ارخص
السعر من 150 الى 400 انتي و حظك
حجزكم معقد كانك جاية ابها و بتروحين لعرعر
ليه ما تحزين بالطياره الى ميونخ و بعدها تروحين لفيينا....مره قريبه بالقطار او السياره 3 ساعات و نص
عندك الاختيارات ....اذا اخترتي الطريق المناسب للذهاب الى فيينا ...الساعه كم وصولك لروما علشان اعطيك التفاصيل مع الاطفال...

هلا اخوي اتعبتك معي ما قصرت على المساعدة
انا توجهي الى غرب النمسا انسبورك
اتوقع السفر الى فينا راح يبعدني زيادة
انا لقيت رحلة بالقطار الى الشمال في بلوزانو ثم المبيت والمغادرة في الصبح الى النمسا بالسيارة
ايش رايك بالمخطط

وردة بيضاء
كان من اول قايله الكلام هذا...........
اذا رايحه انسبورك عند جبال الالب
تطلعين من روما الى بولونيا بلقطار السريع....مدته ساعتين و نصف
بعدها من بولونيا تاخذين القطار السريع الثاني من بولونيا الى انسبورك...مدته 5 ساعات و نصف....القطارين امنات و ممتازات

يعطيك العافية اخوي الله يوفقك وين ما رحت
للاسف مافي حجز بالقطار لانسبورك في اليوم المطلوب
نشوف اليوم الثاني
مشكور مرة اخرى