وعليكم السلام ورحمة الله وبركاته
من طول الغيبات جاب الغنايم
الأفضل انها اتروح مكتب ثوماس كوك السياحي ..وهناك راح اتلاقي ان شاءالله بكجات
واي خدمه احنا في الخدمه

تسلم اخوي القطري وهلا والله فيكم ومرحبا وعاش من سمع عنكم
غنايمي تقرير للحين ما جهز عن لبنان
حبيت اسالك عن اذا نحصل شقق سكنية لفترة 10 ايام في لندن ؟؟؟
و اشلون نرتب حق تور سياحي حق لندن
وسكوتلندا يعني نبي برنامج ندور فيه على بريطانيا واجمل المناطق فيها اذا ما عليك امر و ياريت نحصل اماكن ذات مناظر طبيعية حلوه و اشلون طر يقة المواصلات يعني اذا ما عليك امر تشرح لي

انا عن تجربة.. الأفضل زيارة المكاتب.. كنت بمكتب سياحي قبل كم يوم flight center يعتبر من اكبر المكاتب واكثرها فروعاً في بريطانيا ولهم فروع في اوروبا.. قالي اذا تبين عروض حلوة وبكجات مناسبة لازم تجين لأن بالموقع حقهم مو كل شي منزل فالأفضل الواحد يروح ويعطيهم ميزانيته ويشوف عروضهم
والمكاتب السياحة بكل مكان حتى في بعض المناطق تلقينهم في كل منطقة.. يعني على الأغلب ان قريب بيتها مكتب سياحي وهالمكاتب تسوي داخل البلد وخارج البلد