تطلع من المطار
تاخذ تاكسي للشمال 4 ساعات ونص
تجلس في الشمال 4 ايام
ثم ترجع إلى قم وتجلس 2 ايام
ثم بالسيارة إلى اصفهان 4 ساعات تقريبا (3 ايام )
من اصفهان إلى مشهد طيران (5 ايام مشهد )
4+2+3+5=14 يوم
تقدر تخلي الشمال 3 ايام
ومشهد 6 ايام
الأخوان مانعين ارقام وعناوين السائقين
اعمل بحث في مواضيعي القديمة او في google
تلاقي اسامي سائقين
اتصل عليه ينتظرك في المطار ويبقى معاك في الشمال واصفهان
في قم ماتحتاج سائق
في الشمال اسكن في كلردشت فندق مارال
إذا كنت وحداني الفندق اكثر امان وبتشوف ناس تسولف معهم
نصيحتي لك :

• حاول تلاقي احد يروح معاك

يساعدك على مصاريف التنقلات والسكن ويسليك
الوحدة مملة خصوصا في الشمال ما يتكلمون عربي
والسواق في آخر النهار بيوصلك السكن وبيروح يرتاح

• حاول يكون وصولك طهران في الصباح

إذا وصلت في الليل ما انصحك تروح الشمال في الليل

• لا يقول لك السواق اوديك البحر وتطاوعه لأن الدخول للبحر (بحر قزوين) في جالوس بفلوس ولا فيه شي يسر

البحر عندنا احسن منه

هذا موضوع حلو عن الشمال

اخوي احمد ماقصرت والف شكر للك.
والله اني مريت على اغلب موضيعك وبصرحه استفدت من موضيعك بس ينقص تكلفت السكن والمناطق الضرواري زيارته وماشوير السوقه وحاولت اشوف ارقم سوقين وشفت واحد حولي على واحد ثاني وخله على الله..
وينقصني المناطق المهمه في اصفهان والفنادق النظيفه
وكم سعر التذكره من اصفهان الى مشهد وهل اقدار احجز قبله بيومين
واسمحلى اخوي احمد على كثر الاستفسارات والوصول انشالله الفجر في طهران

هل في منطقه تشتهر بلمياه الكبريتي لغرض العلاج.

هل في منطقه تشتهر بلمياه الكبريتي لغرض العلاج.[/q
نعم توجد بجوار قصر الشاه في رامسر (الشمال)
تقدر تستأجر حمام خاص او حمام مشترك

بومحمدمحمد
تكلفة السكن صعب افيدك لأن الأسعار تتغير بشكل كبير
وفي الصيف تتضاعف الأسعار
بس الزين في إيران تقدر تلاقي سكن حسب ميزانيتك
(لا تشيل هم) بتلاقي الغالي والرخيص
اصفهان تشتهر بالآثار
في موضوع قديم كتبه حمامة الوادي عن اصفهان بشكل مفصل ومصور
عندك التلفريك وحديقة الطيور ومنار جنبان وبحيرة ال33 (سي سه بول) وميدان إمام ومسجد الشيخ لطف الله وعمارة علي قابو وكثير من المساجد القديمة وقصر جهيل ستون ومسجد هفت صدى ,وحديقة هشت بهشت وسوق المجوهرات
السكن عندك فندق توريست نظيف ومتوسط سعره
او فندق سويت بجوار هتل كوثر سعره 60 الف تومان (220 ريال تقريبا)
إذا ميزانيتك راهية (هتل كوثر وهتل عباسي 5 نجوم)
في شقق هشت بهشت
التذكرة من اصفهان حدود 200 ريال تقريبا
في الموسم لا زم تحجز قبل وقت كافي
في غير المواسم تقدر تحجز قبل بيومين
احسن شي من اول يوم توصل قم اشتر تذكرة اصفهان مشهد
وصولك حلو
صلي الصباح في المطار وتوجه إلى الشمال
شوف هالموضوع يفيدك
https://artravelers.com/p/re/403463

https://artravelers.com/p/re/402203
مواضيع قديمة ممكن تفيدك

اخوي احمد ماقصرت يعطيك العافيه انشالله اشوف ساوق يعرف المنطقه كله
والله موضيعك طيبه شكراالك
اذا فيه نصيحه .من نحيت السوقين او التعامل مع الشعب افدني .

بومحمدمحمد
اي سواق تركب معاه اتفق معه على السعر قبل يتحرك
بعضهم مثل سواقين مصر وسوريا
https://artravelers.com/p/re/72196
كل اللي تحتاج له تلاقيه في هالموضوع
عندك بوعلي المؤمن او سيد فؤاد لقم والشمال واصفهان
بوحسن لمشهد