الموسيقااار
01-01-2022 - 07:43 pm
سؤال عن كيفية الذهاب بالمترو من محطة قوس النصر الى دزني لاند ؟
مع العلم اني قصيت تذكرة المترو الخاصه بداخل باريس 27 يورو لمدة خمسة ايام ....
الله لا يهينكم منتظر مساعدتكم .....
وابغاكم على الطريق تعطوني مول غير غاليري لافييت ترى بصراحه ما ني متأكد من الأسم بس على العموم الي بجنب الأوبرا ....
اول شين اللي انت ماخذها مبين من سعرها منطقة 1 و 2 و 3 والديزني لاند فالمنطقة الخامسة
فيعني عشان توفر شووي تنزل بالارور (( الرير )) فال دي فانتني .. وتقص تذكرة منطقة 4 و 5
خلصنا من التذاكر ...االارور A هو اللي بيوصلك للديزني لاند طبعا هو متفرع بس انت خذ
المتجه الى مارني لافلي ... marrne _ la _ vallee
باختصاار .. لازم تطلع من محطة شارلي ديغول ايتوال.. او .. فرانكلين روز فيلت او جورج فايف
المترو الاصفر رقم واحد والمتجهة الى chateau de vincennes
وتنزل في محطة شاتلي وتغير للاروير a اللي هو الاحمر
وانتبة طبعا للاتجااه marrne _ la _ vallee وانزل في اخر محطة للديزني لاند
...............................................
غاليري لافييت .. صح هو اللي بجنب الاوبرا .. ولايفوتك مطعم مغربي بالزاوية
مجمع غير الغليري لافييت فية واحد ثاني اسمة الفصول الاربعة باللادفانس حليوو واحسة ارخص بشوي
من الغليري لافييت ... توصلة طبعا بالمترو .. مايحتاج للارور ... من نفس المحطة اللي قلت لك عليها
روز فلت او شارلي ديغول او جورج فايف خذ المترو الاصفر رقم 1 المتجة الى لادفانس
وانزل باخر محطة ... من تطلع من المترو انت في مجمع تجاري .. الفصول الاربعة