من رأيي تريحون يوم على الاقل في فيننا في حال تأخرت الطائره او امور ماتكونون حاسبين حسابها

ما انصحك ابد
المسافه بعيده نوعا ما الى زيلامسي
وتحتاج روقان على الطريق
الافضل لك اخوي بما انو عند 12 ليله
اول ليله فينا من الغد استلام السياره والانطلاق الى سالسبورق
سالسبورق 2
زيلامسي 6 ليالي
فينا 3 ليالي ثم العوده
تحياتي لك

مرحبا ,,
حلو اول ما توصل فينا ترتاح وتتمشي وثالث يوم تاخذ سيارة لان زيلامسي وكابرون التمشي فيها بالسياره متعه
اذا تبي تروح سالزبورغ يومين ترتاح فيها
وبعدين زيلامسي 6 ايام
وترجع فينا ثلاث ايام
والراي الاخير لك

شكراً جزيلاً عالاجابة
طيب هل الطريق من فيينا الى زيلمسي متعب وصعب ولا واضح وسهل بالسيارة؟

اذا معاك جهاز قارمن بيسهل عليك كل صعب والسياره افضل بكثير من القطارات
المسافه من مطار فيننا الى زيلامسي تقريبا ياخذ 4 ساعات
واذا اول مره تسوق في اوروبا انصحك تسوق في الارياف اول شي على شان تتعود على السواقه
يعني تاخذ السياره من المطار وتطلع للريف
تحياتي

اخويه السواقه في ارياف النمسا متعه لاتضيعها على نفسك ولا تحاتي الناس وايد محترمين في السواقه
ورحلة ممتعه

1. يوم في بادريقاز بجوار قرية هايدي


2. 5 ايام في انترلاكن وزرت من خلالها جنيف وانسي في طرف فرنسا

اخوي الكريم الاخوان ماقصرو وحبيت اعطيك الي عندي صعب ومتعب ومرهق تنزل من الطائرة وعلى طول على زيلامسي
هذا سفر ولازم ترتاح على الاقل يوم او يومين في فيينا وفيها معته وحرام تفوتك ساحة ستيفنز وقصر الشنبرون
انا نزلت في فيينا كان المفروض اوصل الساعة 1.30 الظهر خلصت وطلعت من المطار الساعة 4 العصر تخيل لو طلعت لزيلامسي على طول يمكن اوصل 9 او 10 بالليل
الشي الثاني حرام والله الواحد يروح لاوروبا ولا ياخذ سيارة انا مثلك كنت متخوف من موضوع السواقة وايجار السيارة والحمدلله قضيت باوروبا 13 يوم زرت فيها النمسا
يومين في فيينا
5 كابرون ومنها زرت سالزبورغ وزرت ميونخ

يوم في بادريقاز بجوار قرية هايدي

5 ايام في انترلاكن وزرت من خلالها جنيف وانسي في طرف فرنسا

بصراحة رحلة لا تنسى واستمتعت فيها كثير واكثر شي الحمدلله فادني بالرحلة السيارة لاني كنت اوقف في المكان الي يعجبني وازور المدينة او القرية الي تعجبني الحمدلله السواقة مافيه اسهل منها لانهم ناس يعرفون يسوقون ومحترمين حتى بالسواقة .. اهم شي جهاز القارمن وتراه رخيص .. النوفي اخذته ب700 ريال ونزلت عليه الاحداثيات وانا اول مره استخدمه وسهل جدا
والله اني لقيت اخوان لنا خليجيين نادمين اشد الندم لانهم استخدمو المواصلات خصوصا التكاسي لانها مكلفة وماتاخذ راحتك فيها
بالنسبة للعودة انا افضل انك ماترجع لفيينا خلها من ميونخ احسن
واي استفسار ماراح الاخوان يقصرون وانا تحت امرك
تحياتي