وعليكم السلام والرحمة..
توجد محطة قطارات حيوية وخاصة بمطار زيوريخ وتقع تحت المطار واسمها zurich flughafen وتعني مطار زيوريخ bahnhof وتعني محطة القطار..
ولا داعي لأخذ التاكسي .. والحقائب تحملونها معكم في القطار ولكن يفضل ان تكونوا عارفين موعد القطار والتواجد قبل فترة معينة حتى تاخذوا راحتكم في تحميل الحقائب معكم وحتى لا ترتبك الامور لان مواعيد انطلاق ووصول القطارات دقيقة جدا..
وتوجد قطارات مباشرة من محطة مطار زيوريخ الى محطة انترلاكن الشرقية.. وشخصيا افضل انكم تختارون الذهاب عبر قطار مباشر لأنه بيكون افضل وأريح من ناحية عناء تنزيل الحقائب وتحميلها مرة اخرى في قطار آخر.. وفي حال اختيار قطار غير مباشر فبعضها يمر عبر محطة قطارات زيوريخ الرئيسية zurich HB وبعضها يمر عبر بيرن bern ولكنني افضل لكم مرة اخرى اختيار القطار المباشر ويمكنكم سؤال موظف استعلامات القطار عن ذلك او ابلغيني عن موعد وصولكم الى مطار زيوريخ ورغبتكم في الذهاب الى انترلاكن ..
مع التحية والسلام..
اخوك الحقيقة والخيال..

ممكن بعد هذا الشرح اوافي والكامل (ماشاء الله)أضيف معلومة
اذا انتم مسافرين على السويس أير
فممكن تشحنون الحقائب من باريس والسويسرية تتكفل بشحنها الى انترلاكن
راح ترتاحون من (التعتيل)
اذا مسافرين على أي خطوط آخر ممكن تستخدون خدمة شحن الحقائب
والقطعه ب 20 فرنك
تحياتي
Domestic luggage
Want to travel through Switzerland unemcumbered
by bags and suitcases? Let us transport your luggage!
Send it for example as Fast Baggage within the same day between 45 tourist destinations for CHF 20.- per piece of luggage. All further information on http://www.rail.ch/baggage.
http://www.swisstravelsystem.ch/Trav...0.html?&L=2

مشكورين ماقصرتوا الله يوفقكم وين مارحتوا
رحلتنا على الاير فرانس يوم واحد سبتمبر يعني يوم السبت الساعة وحدة الظهر
وبراح نسكن بفندق goldy طبعا بتوصية من ابو عزيز
اخذ اي قطار ؟؟
طيب وسالفة شحن الحقائب الى انترلاكن اعجبتني لان معي 3 شناط كبار ومليانة فعلموني الله يجزاكم خير وش اسوي بالضبط

شيكت على موقع الاير فرانس والاوصول لزيورخ بيكون الساعة 2 ونص

غلا الفهد
بالنسبة للفندق هذا هو
إنشاء الله يعجبكم
والمحطة اكيد انترلاكن الشرقية - Ost
وأول ماتوصلين وتستلمين الأمتعه تتجهين الى محطة القطار الملاصقة للمطار Zürich Flughafen
تقطعين تذاكر رايح جاي (اذا انتم مخططين العودة للمطار من انتلرلاكن فيما بعد)
ممكن تسألين موظف شباك التذاكر وتذكرين له تاريخ ووقت العودة (كذا افضل)
وتتجهين للرصيف رقم 3
تحصلين القطار رقم IC 728
وعلى حسب الدرجة تركبين وتحملين شناطكم معاكم
القطار بيكون موجود من الساعة 3 الظهر تقريبا
العربات الأولى مخصصة للدرجة الأولى واللي بعده للثانية
القطار IC 728 بياخذكم الى محطة بيرن (راح تتوقفون في محطة زيورخ وسط البلد Zürich HB الساعة 3 ونصف و دقيقتين) خليكم في القطار وراح يكمل رحلته الى بيرن بدون توقف
ويوصل الساعة 4 ونصف بالضبط في الرصيف رقم 4
تنزلين من القطار وتتجهين الى الرصيف رقم 5
بتحصلين القطار رقم IC 1079 تركبينه
القطار بيقفل ابوابه الساعة 4 و 39 دقيقة
الساعة 5 و 35 دقيقة بتوصلون انترلاكن الشرقية على الرصيف رقم 5 ايضا
القطار من بيرن راح يوقف في المحطات التالية
Thun الساعة 5 و دقيقة
Spiez الساعة 5 و 14
Interlaken West الساعة 5 و 31 دقيقة
وبعدين في محطتكم الساعة 5 و 35
أول ماتنزلين تخلين المحطة في ظهركم وتتجهون للفندق تقريبا المسافة حلوه بحدود 700-800 متر
اذا مافيكم حيل خذو الباص
رحلة موفقة
ملحوظة مهمة
فيه قطار الساعة 3 و 39 دقيقة
رقمه IC 930
هذا افضل لأنه مباشر (بدون تغيير في بيرن)
من الرصيف رقم 2
تراه بيوقف في
بيرن
تون
سبيز
انترلاكن الغربية
انترلاكن الشرقية (((محطتكم)))
ويوصل الساعة 6 و 3 دقائق

أختي غلا ولا يهون أخوي أبو عزيز من وين حجزتوا الفندق ......
أنا في الحقيقة رحلتي يوم 4 سبتمر من جدة الى زيوريخ ..... وسوف أوصل الساعة 6 الصباح ....
وأبغى على طول أروح الى انترلاكن .......
فما نصائحكم حفظكم الله ........
أخوكم

الله يجزاك خير يابوعزيز الحمد لله مشينا على وصفك تمام واخذنا المباشر
رغم انهم سووا فينا مقلب وغيروا من الرصيف 2 الى الرصيف 3 قبل مايوصل القطار ب 9 دقايق وهاتك ياركض بعربية العفش واطلع من هنا وانزل من هنا بس الحمد وصلنا لانترلاكن بسلام

هلا اخوي مهبول حجزنا من موقع الفندق نفسه اللي هو goldey

غلا الفهد
الحمد لله على سلامتكم
طمنتيني
انت عارفه ان نظام القطارات في سويسرا لو تأخر القطار 10 دقائق من حقك تطلبين فاوتشر ب10 فرنك
وزين انكم انتبهتو للتغيير
استمتعوا ولاحقين خير على الأمطار والبراد اللي خنا فيه
الله يحفظكم