حجز القطار من محطة القطارات الرئيسية
بس نصيحه ميلانو في شهر 8 ما فيها شي أبدا
وتقدرن تسكنون في واحده من الثنتين أما ميلانو أو فينيسيا وتروحون للثانيه بالقطار وترجعون
ولو قايله من قبل لا تحجزين جان قتلك لا تحجزين على الكويتية
وحجزي على الايطاليه
لان عندهم كود شير .......... يعني تحجزين على الايطاليه أرخصلك وتركبين الكويتيه

هلافيك ..
بالنسبة للقطار امر سهل جدا
أي وقت تكوني في روما اطلبي من التاكس او الباص محطة تيرمني واطلعي قصي التذاكر حقت فينيسيا من عندهم وبصراحة ماعندي خلفية عن سعرها والمسافة لاني انا طلعت منها لفورانس لكن ما اتوقع انها تزيد عن 30 يورو للشخص
وأول ما تنزلين في محطة فينيسيا على طول أشتري تذاكرميلان عشان ترتاحين من همهم
سعر تذكرة ميلان من فينيسيا 26يورو والمسافة 3ساعات ..
وبالنسبة لفنادق لفنيسيا اطلبي من التاكس اول ما توصلون ينزلكم عند ساحة سان ماركو وهنيك كل الفنادق كثيرةوحلوة موجودة والمسافة قريبة من بعض حتلاقي إن شاء الله
وبالنسبة لميلان والله الديرة كبيرة بصراحة
انا من راي انك تطلعي مع التاكسي لاي فندق حول الدومو ولو ما حصلتو عنده غرف فاضية تطلبو منه ينسق لكم مع الفنادق الثانية حتى تلاقي سكن عشان يكون مشواركم واحد
انا بصراحة سكنت بفندق 4 نجوم اسمة الباني حلو وقريب من الدومو بجانب حديقة كبيرة مرة عندهم نسيت اسمها انصحك تروحي يمة

مشكورين ماقصرتوا ... بس محتاجه حق اسامي فنادق فينيسيا وميلانو

dalprincess
بالنسبه للسفر بالقطار تحجز من المحطات الرئيسيه
او من مكاتب سياحيه تقص التذاكر بنفس السعر واسال الفندق بروما عن اقرب مكتب سياحي
اما في فينيسيا لازم من المحطة الرئيسيه ومثل ما قال الاخ احجز اول ما توصل
بالنسبة للاسعار ناسيها بس موب غاليه مره
بالنسبه لفنادق فينيسيا انا سكنت بالريالتو بس بصراحه ما انصح فيه قديم مره وغرفه صغيره والفندق مكتوم اللهم موقعه كويس
اما ميلان انصحك بستار روزا هوتل رائع بكل المقاييس حذفة عصى وانت بالدومو
وبالنسبه للمسافه بين روما وفينيسيا بالقطار 4.5 ساعات
فينيسيا وميلانو بينهم 2.5 ساعتين ونصف

مشكورين كل الي ردوا علي ماقصرتوا