وأنا أضم صوتي لصوت أخوي

كيف مواعيدهم والخدمات
مواعيدهم و خدماتهم كويسة
وهل الطيارين سعوديين والا اجانب
تفرق معك ؟؟؟
وهل يوجد مطبات هوائيه فى هذا المسار المباشر؟
لا تعليق
وكيف تعامل مطار مدريد مع الرحلات القادمه من السعوديه هل فيه تشديد عليها والا مثل غيرهم؟
مثل غيرها

خط سيرك راح يكون كالتالي:
الذهاب جدة الرياض ميلان مدريد
والعودة مدريد ميلان جدة
انا جربت الرحلة حيل متعبة لكثرة التوقفات وما انصحك فيها لان اسطول السعودية الان اصبح متهالك وطيارات كحيانه ولا وسائل ترفيهية ولا يحزنون...الميزة الوحديه ان الطيارة كانت فاضية... بس غيرها تعبان...
مطبات هوائية ما واجهنا الجو كان حلو، اما مطار مدريد عادي ما فيه اختلاف عن مطارات اوروبا...

موادع2006
أنا مجرب الخطوط السعودية إلى مدريد
خطوط ما عليها كلام
طائرات بوينج 777 من أحدث الطائرات
وجبات ممتازة ومتعددة
ترفيه على كل مقعد
ومواعيدهم ممتازة
والمعاملة في إسبانيا عادية جدا مثلها مثل غيرها
بس نصيحة إذا كنت من جدة فاحجز على رحلة الثلاثاء في الذهاب ورحلة الجمعة في العودة حتى يكون خط سيرك جدة - ميلان - مدريد وما تمر الرياض وإذا من الرياض فاعكس

khonf
حرام عليك أنا رحت أكثر من مرة ما شفت ها اللي تقول
وبالنسبة للتوقفات فهي وقفة واحدة في ميلان

انا رحت فيها بالصيف كان 15 اوغست طلعت من جده الى الرياض وتوقفنا وبعدين ميلان وبعدها مدريد كانت الرحله 11 ساعه انا بصراحه تعبت وطفشت بس الخطوط عاديه يعني زي رحلاتها الي قبل مافيها زود
المطبات على حسب الجوو احيانا يكون مطر احنا كان في مطبات قبل لا ننزل على ميلان لانها كانت ممطره بس يوم اقلعنا لمدريد مافيها شيء
لا المضيفين سعوديين كلهم والطيار ماهي سيئه ولاهي واو لو فيك شده 11 ساعه خذهاا انا اخذتها مضطره ابغى اروح لماربياا وماحصلت حجز على ملقا وقتها

ميلانوف
للجميع إذا انت من جدة اطلع على رحلة الثلاثاء وارجع الجمعة وإذامن الرياض اطلع الجمعة وارجع الثلاثاء تكون الرحلة توقف واحد في ميلانو تكون الرحلة كاملة في حدود 9 ساعات

zaman99s
تبقى وجهات نظر لكن انا اشوف توقفين في رحلة راح يكون متعب كثير لاغلب الناس، يمكن مو كل الناس يناسبهم يطلعون الثلاثاء ويرجون الجمعة علشان تحسب توقف واحد!! هذا غير انهم ما يقولون لك ان فيه توقف بالرياض او بجدة.. يعني ما تكتشف الا لما تكون بالمطار وهذا صارلي لكذا رحلة لاوروبا مو بس مدريد..
انا عموماً لما اتكلم عن السعودية اقارن بالامارتية بالاتحاد او القطرية، فرق كبير ما فيه احد ينكره خصوصا لما تكون في رحلة 11 ساعة تحتاج إلى وسائل ترفيهية تنسيك هم المشوار...
السعودية: شاشات كثيرة ما تشتغل وإلى يشتغل تلقاه يشوش، افلام قديمة، العاب قديمة، كل شي عفا عليه الدهر...تميزهم الوحيد بالاكل بس...
على فكرة الطائرات777 اللي من احدث طراز اللي تقول عنها، تاريخ صنعها 1998 !!!!!