اهلا اختي ..
انا ارشح .. Arden City Hotel
موقعه جدا رائع وغرفه حلوه .. والفندق مسوين له تجديد هالسنه

يعطيك العافية خبيرتنا x- نجلاء -x وجدت موقع الفندق على الإنترنت ..
http://www.hotelarden.com
ووجدت سعره من خلال موقع booking غرفة ثلاثية بسعر US$ 163.98
غير مستردة هل السعر مناسب !!
الظاهر مع الفطور وأحتاج غرفتين ولا أعرف هل النظام الفندقي عندهم يشدد من ناحية
العدد في الغرفة أم الأمور عادية فنحن 5 بالغين + طفل !!

al-mosbah
اهلا وسهلا اخوي ...
شكلك طلقت اندونيسيا وحولت على تركيا ^_^
بالنسبة للفندق السعر جدا مناسب ..
وافضل ترتيب لعددكم هو حجز غرفه ثلاثيه وغرفه عاديه .. والطفل اذا كان تحت 6 سنوات يكون الاكسترا بيد فري
وبالنسبة للنظام .. الامور عاديه .. حنا 5 بالغين ودائما نحجز غرفتين وحده للوالد والوالده ووحده تكون لي انا واختي .. اما اخوي نطلب له اكسترا بيد او يحولون الكنب لسرير وعادي ماياخذون اي زيادات مع انه كبير ( 17 سنه ) ..
يعني متساهلين ببعض الاشياء
وحاظرين لاي استفسارات وبالتوفيق في رحلتكم ,,

الله يعطيك العافية خبيرتنا وبالنسبة لإندونيسيا مستحيل × مستحيل نطلقها وخياراتها
بصراحة أفضل بكثير من تركيا حسب ما قرأت وسمعت بالنسبة لأسعار الفنادق وكل شيء !!
يعني إندونيسيا شقق فندقية بمستوى 7 نجوم ثلاث غرف 150 دولار وأقل وخدمات رائعة
والسائق يلف فيك مدن ومدن بيومية 50 دولار وأكل 5 نجوم لكل العائلة 50 دولار وتبغينا
نطلقها !!!!!!!!! مشكلة البعد 9-10 ساعات غير التوقفات !!
تبقى نقطتين ياريت تعطيني رأيك فيها حتى تكتمل الصورة :

• - هل أجواء رمضان مناسبة لنا كعائلة فقط 3 أيام من رمضان فعرض التذاكر في هذه

الفترة خيالي 9200 ريال !! والمدة 10 أيام وأفكر باسطنبول فقط !!

• - هل توفير السائق سهل مع سيارته وفي حدود كم اليومية !!
• - هل أغامر برحلة تركيا بعائلتي ولا خلينا على إندونيسيا في الحج ترى الرحلة لهم

والغالبية بنات الله يحفظهم وحوستهم حوسة !!!

حياك الله ..
ومعك حق اندونيسيا ميزتها رخيصه .. ونفسي اروحها بس عشان اجرب ركوب الفيله ^_^ .. لكني احسها مشابهه جدا لماليزيا وماليزيا ارقى بعد لكننا طفشنا منها : (
بالنسبة لاستفساراتك :
صراحة ماجربت رمضان فيها .. لكن من كلام الاخوان ان الاجواء هناك جدا رائعه وفيها روحانيه وتحس برمضان ايام زمان ... وتفضل هذا الرابط :
https://artravelers.com/p/re/315379
واذا تبي رأيي لاتفوت التجربه .. لكن لازم تعرف ان المغرب عندهم مايأذن الا عالساعه 8 ونص تقريبا او 9السائق وسيارته سهل جدا .. ويوميته تعتمد على نوع السياره وحجمها لكنها بالعاده تبدء من 120 او 150 ليره وممكن تصل الى 200 ليره
الليره = ريالين ونص تقريبا ..
وتفضل هالرابط :
https://artravelers.com/p/re/389753
ونصيحه لاتستأجر من اي احد .. خصوصا اللي يجونك ويكلمونك عربي تراهم يتضربون عليك بالسعر
والافضل كلم من الاشخاص الموجودين بالرابط اللي اعطيتك لانهم اضمن ومجربين .. واتفق معه متى يجيك والى متى يكون معك ,,
واذا تحب توفر .. استخدم المترو والترام .. متوفر في اسطنبول واغلب السياح يتنقلون من خلاله .. ويعتبر تجربه سياحيهوالله دام الرحله للبنات توكل على رب العالمين وخلهم يغيرون الوجهه شوي والجو هناك حلو هالايام .. وان شاء الله بينبسطون فيها خصوصا ان اسطنبول عاصمة التسوق .. فيها مجمعات واسواق على كيف كيفك .. بس الله يعينك اذا مامسكتهم ممكن ماترجع بلادك الا وانت عالحديده : )ويارب تعجبكم تركيا

تفضل هذا الرابط ايضا .. ممكن يفيدك في موضوع الصيام في تركيا :
https://artravelers.com/p/re/418407

الله يسعدك أختنا وخبيرتنا بصراحة وضعتي النقاط فوق الحروف ووضحت الصورة
كثيراً بردودك الله يسعدك وبالذات السائقين وسوف اتصل عليهم إن شاء الله غداً
والسعر معقول جداً ..

• - نقطة أخيرة بالنسبة للمولات والمطاعم هل تقفل متأخر يعني مو مثل الشرق !!

بالنسبة لإندونيسيا تراها تختلف عن ماليزيا كطبيعة أفضل وكخيارات مدن متعددة
وكذلك الأسعار تعطيك خيارات للسكن برفاهية وكثير حولوا من ماليزيا لإندونيسيا فهي
واجهة العوائل وبالذات السنة هذه شيء غير طبيعي ..
إذا نويت ابشري بالجدول الشامل وبرحلة 5 نجوم ..
بارك الله فيك ..

al-mosbah
بالنسبة لإندونيسيا تراها تختلف عن ماليزيا كطبيعة أفضل وكخيارات مدن متعددة
وكذلك الأسعار تعطيك خيارات للسكن برفاهية وكثير حولوا من ماليزيا لإندونيسيا فهي
واجهة العوائل وبالذات السنة هذه شيء غير طبيعي ..
إذا نويت ابشري بالجدول الشامل وبرحلة 5 نجوم ..
بارك الله فيك ..
ههه الله يجزاك كل خير ,,
واكيد اذا كتب لنا ربي ماراح نستغني عن استشاراتكم ونصائحكم وخبراتكم ماشاء الله ..
بالنسبة للمطاعم .. اغلبها يبقى لوقت متأخر .. لمحبين السهر
وبالنسبة للمولات .. عيبهم انهم يقفلون بدري عالساعه 10 : (
بس والله احسن خصوصا اذا كنتوا ساكنين بتقسيم قريب من شارع الاستقلال ... لان عالساعه 11 تبدء الشياطين اعوذ بالله والبارات والنوادي الليليه الله يكفينا شرهم ,,
ترى نبي تقرير يكسر الصخر اذا رجعتوا بالسلامه ,,

شكرا أخت نجلاء
بس ما أحد رد علي غيرك
و رأي واحد ما يكفي
لأن الرأي مبني على تجربة شخصية فقط
أتمنى من المشرفين أحد يفيدنا أكثر
جزاكم الله خير
الأخ الكريم مشرف أندونيسيا نورت موضوعي