اذا بتروحين بروكسل يوحي حق محطة القطار في باريس اسمها باريس دي نورد وحجزي حق بروكسل ميدي وممكن بالانترنت واتوقع ارخص بس ماجربت وترى كل ماكان قبل مدة كان ارخص وفي عروض وايد يعني مثلا اذا كان في طفلين وبالغ لهم عرض وجذي ...

nuhayer
المحطه تحتاج اروحلها بتاكسي او مشي ؟؟ و اي صووب بباريس ؟؟
ممكن عنوان السايت للحجز

miss teetee
المحطة تقدرين تروحين لها بتاكسي او مترو بس مشي مادري اذا انتي يمها حيل
الموقع http://www.thalys.com

انا بعطيك معلومات لارحت لبروكسل اسم المحطه الي راح توصلها اسمها نفس اسم المحطه الي في باريس وراح تاخذ القطار الي اسمه تولس ولونه احمر مميز هذا للرحلات الدوليه بين اوروبا وراح يعرضون عليك تذاكر سعرها شوي غالي مرجعه والي سعرها رخيص بتكون غير مرجعه ولاتغير في الحجز ونصيحه لك خذ في الذهاب تذاكر رخيصه غير مرجعه وفي الرجعه خذ تذاكر مرجعه حتى لاسمح الله لو صادك هناك ضرف تقدر تغير واذا وصلت لبروكسل على طول خذ الخريطه حقت المترو وتوجه ل(ديبوركير ) بالون البرتقالي أو روجير بالأخضر هاذي راح توصلك للمنطقه الي فيها مصنع الشوكلاته وتراه محل صغير وعادي بس حلو انك تزوره الشخص ب5يورو للدخول وتحصل المحل هذا في الساحه الي في السوق أشهر موقع في بروكسل واذا خلصت اسئل اي احد خله يوضحلك موقع موقع الحديقه الأوربيه التي تظم جميع معالم اوروبا وجمبها معلم ثاني لعالم فيزيائي حلو مره واسمحلي على العجله وترى يكفيك في القطار درجه ثانيه ترى القطار فخم جدا وسريع وطول المده تقريبا ساعه وثلث وعلى فكره مهم جدا انك تاخذ الجوازات معاك لأنه في القطار يشيكون على الجواز طبعا بوليس

أسم المحطو Gare Du Nord وتقدر توصل لها عن طريق خط المترو رقم 4 (البنفسجي الغامج) , سير هذيك المحطة واحجز هناك على محطة Bruxelles-midi، أعتقد كل نص ساعة تقريبا فيه قطار, بتلاقي 3 شركات هي Eurostar ,Thalys and TVG أنا أذكر إني خذيت Thalys وكان وايد زين وسعر التذكرة تقريبا حوالي 40 يورو بس انا حجزت قبل الرحلة بيومين والEurostar بعد يمدحونة وانا جربته بس في إيطاليا وكان ممتاز.
نصيحة بروكسيل وايد حلو على الأقل اقعد فيها 24 ساعة يمديك تشوف فيها ساحة Grand palace والمنطقة القديمة اللي حواليها ومبني الأتوميوم Autumium

عفوا عقب الرد أكتشفت انج سيدة وأنا اكلمج من الصبح على إنج ريال , عذرا.

مشكورين ما قصرتو والله شوقتوني على بروكسل ..
اشرايكم اخذ 3 ليالي ببروكسل ثم اتنقل لباريس 8 ليالي بباريس ؟؟
بس مو اذيه لأنخط سير الرحله بيصير كويت - باريس - بروكسل بعدين باريس - كويت
انا مستصعبة وصولنا لباريس بيكون متأخر باليل تهقون سهاله اخذ تاكسي من المطار للمحطه و اسافر ؟؟ اخاف ما القى قطار باليل و اشاون اذا وصلت بروكسل الساعه واحده باليل تنحسي ليلة اليوم جديد لأن عقب الساعه 12 و لا لاء ؟؟!!
يعني انا بسافر من الكويت بتاريخ 31-1 و بقعد ببروكسل 3 ليالي يصير الجك اوت 3-2 و باريس من 3-2 لغاية 11-2 ؟؟