السلام عليكم
طبعا القطارات تختلف حسب الاقسام والدرجة وحسب السن
راح اعطيك قطار مايوقف الا بين القواصم وهو قطار Thalys والسعر راح يكون حسب السن
الدرجة الثانيه وهي زينه يعني مب لازم الاول لكن اذا تبي الاول خبرنا
مدة ساعة ونصف يوصل العاصمة الاوروبية قادما من باريس
من سن 26-56
6-00 € باليورو طبعا
من سن 12-25
5-00 €
من سن 60+ اي ستين فما فوق
3-00 €
من سن 4-11
5-00 € باليورو طبعا
وكنت ابحث عن الحجز الجماعي لكن ماحطين معلومات كثيره
طبعا هالسفرة من محطة باريس الشمالية حتى محطة باريس الوسطى
واذا تقول بروح من مطار دوقول فهذا يكلف اكثر اذا رحت بهالطريقة يعني بواسطة القطار السريع احسن حل هنا انك تروح بقطار عادي من مطار دوقول لين محطة باريس الشمالية ومن هناك تحجز لمحطة بروكسيل وحينها يكون ارخص بكثير
اتمنى لك التوفيق واي معلومات تبيها انا موجود ببلجيكا طالب جامعي

هذا رايح وجاي ياخالد؟
ولا رايح بس, وهل فعلا الاسعار اغلى من المطار , لقيت اسعار تي اف جي الظاهر وهي مقاربة للي انت حطيتها بس رايح فقط.
وكيف الجو الآن في بروكسل.
وبالنسبة للسكن انا حجزت قريب من القراند بليس لكن محتارة وودي احجز في سوفتيل الافنيو دو لويس, فإيش رايك خصوصا ان التسوق ودنا فيه,
وشكرا جزيلا

sugarlips
انا برد .. توني من 3 ايام راج من بروكسل ..
الجو روعه روعه روعه ... بين 8 درجات لين 15 ... يعني الجو حلو يباله جاكيت خاصة لاول الصبح
السكن دام انج تبين تسوق انصحج تسكنين في منطقة افنيو لويس .. حق الشوبينج روعه .. فيها كل محلات الماركات ما عدا فندي .. الجهة الاخرى للمحلات الثانيه وممتازه بعد ..
انا سكنت في منطقة روجير .. حلوة كموقع قريب من القراند بليس .. بس نصيحة القراند بليس اشوفها ساحه عاديه جدا ... يعني حق فترة قصيره تشوفينها و المنطقه اللي حواليها فقط ..

السلام عليكم
الجو اليوم م مب مشمس لكن يعني مب بارد
جو اوروبي يعني مره تجي شوي شمس مره تروح
درجة الحراره 15 تقريبا يعني زين هنا لانه متعودين على 0 درجه ههه
وبخصوصا الحجز والله ماقدر اقولك يعني كل واحد وحسب مايشوف
انا عن نفسي احب يعني مناطق هاديه ومن هناك ازور كل المناطق الثانيه بسياره
لكن انا سنوات وانا هنا يعني دوم رايح جاي من المناطق والمدن بقطار وله سياره
وانصحكم تزورون مناطق الجبلية اللي هي من مدينة لييج لين لكسمبورغ يعني حدود فرنسا والمانيا تقريبا
وهذي مناطق جبلية وخضرا وزينه احسها
ومشكور الاخ سراب اعطى معلومات زينة
والله يوفقكم

السراب
وعليكم السلام و رحمه الله و بركاته
كل الشكر لك أخوي خالد على النقل المباشر
ما عيك آماره و لو يسمح وقتك ما نبغي نظغط عليك بما أنك مشغول بالدراسة
لكن نتمنى إذا كنت فاضي في يوما ما تكتب لنا موضوع عن Ardennes
بما أن التقارير شحيحة عن المناطق الخظراء في بلجيكا
و أنا متيقنه أن بلجيكا تضم مناطق خظراء جميلة و ساحرة
الف شكر لك و بالتوفيق

السلام عليكم ورحمة الله وبركاته
صباح الخير على الجميع
انا بإذن الله سفرتي مع العائلة في منتصف شهر سبعة 2011 وكنت مخطط على 10 ايام في بروكسل و6 ايام في باريس مع ان نقطة وصولي مطار ديقول ( باريس ) ولكن مع اخبار حظر النقاب قاعد افكر اخلي كل الوقت في بلجيكا؟
ابي رايكم لو سمحتوا وايش المخطط الكافي والوافي والمناطق التي تنصحون الزيارة لها طول فترة السفر؟
ولكم تحياتي
لالالالالالالالالالالالالالالالالالالالالالالالالا لا تبخلون بالرد