paddys market
http://www.paddysmarkets.com.au/index.html

رحلة موفقه .. وعذرا لااستطيع افادتك بخصوص محلات الهدايا ..
رحلتي بعد اسبوع الى استراليا واريد ان أسأل بخصوص انفلونزا الخنازير ..
سمعنا ان النسبه تزداد في استراليا وخاصة ملبورن ..
ارجو ان تعطينا نصيحتك ورأيك ..
وكيف البلد هل غاليه فعلا ؟
شكرا مقدما

حيا الله اخوي ضابط ...
الحمدالله على السلامة ... وسلامة الاسفار ...
وياليت لو تفيد الاعضاء عن وضع انفلونزا الخنازير ... هل هناك مايدعوا للقلق ...
وبالنسبة لمحلات الهدايا انا عني شخصيا افضل الذهاب لمحلات ابو ريالين اسف ابو دولارين ... تلاقي هالشغلات الرخيصة والتي توحي لاستراليا ... ستجدهم بالقولدكوست في السيرفيرس باراداييس ... وكذلك الحال في سيدني وخصوصا في الجورج ستريت ... على فكرة اذا ودك بهدايا تخص القولدكوست فلازم تاخذه من القولدكوست ... لان الموجودة في سيدني في غالبها توحي لبرج سيدني او الاوبرهاوس او بقية معالم سيدني ...
على العموم ترجع لنا بالسلامة ... ولاتنسانا من التقارير الزينة والصور اللي ترد الروح ...
تحياتي ...

اخوي الضابط هاه بشر وشلون السفرة الى الحين ؟؟ الله يهنيكم انشالله
ووشلون المينتارا سيركل السنة هذي ؟؟ انشالله كانت حلوة
بالنسبة للتذكارات انا شريت المرة اللي فاتت الهدايا كلها من سيدني لاطلعت من جهة الدارلينج هاربور بالفيري ورايح جهة الأوبرا هاوس بتلاقي في ذيك الجهة مجموعة محلات هدايا وتذكارات حلوة من دبب كوالا محشوة وكنغر ولبس حقهم ايام اول واشياء زي كذا واسعارها حلوة مو غالية
وبالنسبة لأنفلونزا الخنازير وشلون الوضع عندكم لأني اشوف الناس بدت تفكر تكنسل رحلاتها الى استراليا وانا جاي انشالله بعد شهر من الحين فممكن تعطينا فكرة عن اللي صاير هناك
وترجع بالسلامة انشالله

انا شريت تذكارات من دار الاوبرا او الاوبراهاوس
بتحصل عندهم محل داخل في ت>كارات حلوة وايد وايد
وفي شوكلاته علىشكل الاوبرا هاوس وكل شي اهناك وتي شيرتات وكرستالات
وبتحصل في الهاربر سايت في محلات اتبيع تي شيرتات عليها صور لسدني ولستراليا
وفي محلات تذكاريه فيه

في قولد كوست اخ1تها من ابو دولارين خ
وسيدني كان فيه بالاوتيل محل يبيعه واخذت من محل عند الاوبرا هاووس على صفة المطاعم والكافيات الموجوده هناك
ورحلة سعيده

sydney
اشكرك اخي على النصيحه الجميله ...فعلا اشتريت التذكارات من الباديز ماركت في سيدني ووجدت اسعارها رخيصه ومعقوله جدا...وهنا انصح الجميع بشراء التذكارات من الباديز حيث اني مريت للبحث عن تلك التذكارات في جورج ستريت وفي الشاينا تاون ووجدت السعر في كم محل لاباس به..وعبرت على الهاربر سايد ووجدتها اغلى قليلا..وهنا احذر من شراء مثل هالتذكارات من الاماكن السياحيه المشهوره مثل الاوبرا او الفنادق او برج سيدني لارتفاع الاسعار فيها (الضعف او الضعفين احيانا)..وهنا أؤكد على الجميع ان ياخذوا لفه في الباديس اولا لمعرفة الاسعار عن الشي اللي يرغبون في شرائه ومن ثم تبدأون بعملية المكاسره والمفاصله وهو امر ضروري في الباديس كونه مثل سوق الحراج عندنا...تحياتي وعذرا على التأخر في الرد

1. THE IMMIGRANT

THE IMMIGRANT

حبيبي واستاذي ومعلمي (المهاجر) لقد اشتقت الى رؤية اسمك في هذا المنتدى كثر شوفي لشوفتك والتعرف عليك( بدينا في الغزل ) لا من جد بصراحه انت ما قصرت معي قبل سفرتي هذي الى استراليا وهنا اقول لقد عدت بحمد الله الى ارض الوطن بعد رحلة (اللهم لك الحمد والثناء) رائعه الى استراليا..والفضل بعد الله سبحانه وتعالى في ترتيب الرحلة وجمع المعلومات يعود الى اعضاء البوابه الغالين دون استثناء وفي مقدمتهم انت يا المهاجر والاخ المهندس , ولا ننسى بعض الاعضاء الخبراء الجدد الفعالين والنشيطين ومنهم على سبيل المثال لا الحصر مستر فواز , وسيدني ,وغيرهم كثير يعذروني على عدم ذكر اسمائهم ولا انسى الاخبراء الذين استفدنا من تقاريرهم مثل الرحاله, وفتى الشرقيه وغيرهم..وهنا احب اؤكد للجميع بأن مرض انفلونزا الخنازير غير مكترث به هناك ولم اجد الناس هناك مثل ما تنقل محطات الاخبار لابسين كمامات في الشوارع وفي الطيارات وفي المطارات..الحمد لله طوال الرحله وانا رايح تناولت(طبعا على دفعات) اسبرين سي الفوار والهف الاول مش انفلونزا الخنايزر لان الله الحافظ ولكن للوقايه من تغيرات الجو..طبعا حاولوا ما تكثرون يا اعزاء من هالفيتامينات لانكم راح تخلونها بالطياره وما راح تدخلونها معكم المطار الا اذا افصحتم عنها في البطاقه..وعلى طاري البطاقه هالمره وزعوا علينا بطاقات جديده خاصه بانفونزا الخنازير تعبئتها سهله وفي المطار ياخذون جزء منها ويخلون معك جزء لونها ازرق ومكتوب عليها health declaration card ويتم استلامها مع البطاقه الحاصه عند اجراءات الدخول بالمطار...عموما الوضع ولله الحمد مطمئن ..ما ادري عن الوضع في ملبورن لكن في جولد كوست وفي سيدني الناس عايشه حياتها بشكل طبيعي جدا واللي تلقاه يكح(يسعل ) في الباصات قليلين والناس مو خايفين منهم...وجهة نظر شخصيه جدا (انا اجزم بأن الاعلام العالمي وتحديدا الغربي مضخم الموضوع مثل ما صار مع الجمرة الخبيثه وانفلونزا الطيور وجنون البقر وغيرها اي ان ذلك من وجهة نظري المحدوده بهدف ترويج لبعض الادويه الخاصة بذلك والتي يملك مصانعها اشخاص و دول لهم تاثيرهم في العالم..عموما الواحد يتوكل على الله قبل كل شي وياكل يوميا من هالفيتامينات الفواره وياكل(بصل) ولا تضحكون تراه مفيد جداا ..بس كلوه بعد الوصول مش قبل السفر ,عموما احبائي وعلى راسكم استاذي المهاجر بأذن الله اعدكم بتقرير مميز بعد عودتي من السفره الاخرى الى دبي اللي بتكون بأذن الله هاليومين
اجمل تحياتي

Mr__FaWaZ
حبيب قلبي فواز ..مشكور (الى بكره) على النصيحه الحلوه الحمدلله ابشرك السفره رائعه ورايقه والمانترا سيركل اون كافيل رائع بمعنى الكلمه وانصح الجميع فيه والحمدلله اني سمعت نصيحتك وسكنت فيه ..كل شي فيه غساله ونشافه وميكرويف وفرن وصحون وكاسات..و وش بعد والمنظر البديع المطل على السيرفرس بارديز بوليفارد والشاطئ والهارد روك.. وعندك في الشقه كاتالوج للمطاعم (وش كثرها) اللي توصل للشقه الطلبات..ويا ويلي على الجاكوزي في الشقه بعد يوم من الانشطة والترفيه( مانسيت كلامك ونصيحتك اللي زي العسل) اضافة الى الموقع الاكثر من رائع(ممتازجدا)... وفي سيدني اشكرك على تزكية الفور بوينت باي شيراتون لانه كان رائع وخدمتهم وتعاملهم من لحظةدخولي كان رائع..تصور قالوا لي ادفع 30 دولار ونرقيك لجناح مطل على الهاربر ولما وافقت مباشره قالو تبي مع بلكونه والا لا لان اللي مع بلكونه محدوده واخترت مع بلكونه وكان المنظر والسويت رائع..عموما ما نبي نحرق التقرير القادم بس حبيت اشكرك على نصايحك ولا تفكر نهائيا تنكسل سفرتك على استراليا توكل على الله وكل فيتامينات وعسل وبصل ولا راح يجيك شي ترى ماقدامك هناك الا العافيه والجو اللي يرد الروح واقول لك(اللهم وفق المدعو / فواز في سفره وترحاله) اامين