محلل أسهم
26-10-2022 - 07:16 pm
بسم الله الرحمن الرحيم
احييكم من معشوقة الدوسي اوسبينر
الوصول ولله الحمد يوم الخميس صباحا
بعد احداث دراماتيكية احس بارهاق اذا اردت الكتابة عنها
لعلي متى وجدت نشاطا ان اكتب عنها
سيكون الموضوع مختصرا في الكلام
لتكون الصورة خير من الكلام
التخطيط كان مبكرا
قبل قرابة الثلاثة اشهر
جمع معلومات من النت والاصدقاء
فتح ملف خاص عن تركيا
وتحديدا : اسطنبول ، اوسبينر وماجاورها منطقة ترمل عموما ، ابانت
تم شراء الاغراض وتجهيز اغلب الاشياء قبل السفر باسبوع
التذاكر تم شرائها قبل فترة كافية جدا وكانت على الخطوط التركية
الطيارة كانت صغيرة
ثلاث مقاعد يمين وثلاث يسار
الاقلاع كان ممتاز
الهبوط كان مخيف ( كأننا في صحن ددسن يمشي 180 في بطانيج الصمان ) حتى انني ضننت الن الطيار ة خرجت عن مسارها لكن الله سلم
مسكنا سرى للدخول مشينا ورى عايلة سعودية رجالين وحوالي ست حريم
قبل مانوصل التختيم قال لي واحد سعودي تعرفت عليه بمطار السعودية : اخذت تأشيرة ؟
انا وانا اشوف السرى الطويل والارهاق على حرمتي قلت : لا
خليت حرمتي تحجز المكان وطمرت للتاشيرة
لقيت ابو العايلة الي قدامي نفس المشكلة
اه الحمدلله هناك من يواسيني
اشرنا في دقيقتين ورجعنا للسرى
ختم ودخلنا
(احنا الان خايسين تعب بعد الاحداث الي قلت لكم راح اقول لكم عنها متى ما ودت نفسي في نشاط )
مشينا الى سيور العفش
دور شنطتك يابطل يامحلل
فيه قرابة 10 سيور متباعدة وش الحل ؟
قال رحت لموضفة ارسلتني لسير مافي شي
رحت لثاني ارسلني لاخر سير ( تراه بعيد معي شنطة انقلها خرعت يدي )
هناك رجعوني لاول سير ا ه
شفت شايب سعودي معنا بالرحلة قال انا عطيت واحد يدورها لي
قال لي واحد شوف السير الي مكتوب عليه الرياض
درت عليهن واحد واحد مافي شي ( ضريبة السفر لاول مرة ومعك عايلة بعد )
المهم الحمدلله أخير ا لقيتها في سير مكتوب عليه البحرين
وللحديث بقية باذن الله . . ..
محبكم / محلل أسهم من اوسبينر
وجدت منهم الصدق والامانة والحرص
عفوا ... قوانين المنتدى تمنع نشر أسماء مكاتب سياحية تجارية