أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ماهي الخيارات المتاحة من مواصلات للذهاب من مطار باريس الى مكان اقامتنا فندق شاتو اي هل يمكننا استخدام المترو علما باننا عائلة معنا طفل اقل من سنه..
ما البعد بالتاكسي؟
ايهم افضل؟
واحسنت الاختيار لفندق شاتو ... انا توي جاي لي اسبوعين وسكنت في هذا الفندق بالنسبة من المطار للفندق اول شي خل معك عنوان الفندق من هنا احتياط ثاني شي عندك طريقتين الطريقة الاولى تدق على الفندق من هنا وتعطيهم رقم رحلتك واسم المطار لان عندهم مطارين واحد قديم واحد جديد وتعطيهم زمن وصولك بالتحديد وتطلب منهم يرسلون سيارة ويستقبلك السائق بلوحة مكتوب عليها اسمك وهذه الطريقة تكلف حدود 55او 60يورو يعني 300ريال وهي الافضل لان معك عائلة ويساعدك السائق في حمل الشنط والسيارة جديدة لانها عن طريق شركات . اما الطريقة الثانية في الطريقة اللي انا رحت بها من المطار للفندق وهي تطلع وتاخذ تاكسي من برا الصاله وراح تحصل تكاسي كثير والاسعار على طول او مايشوفون عنوان الشاتو رايح يقولون 50يورو وانت كاسرهم ماعليك منهم لاني انا سويت شاطر وكاسرتهم قلت مافية الا 30يورو وصراحة لو صبرت شوي ودوني لكن استعجلت واخذت واحد ب 40يورو وبالنسبة للوقت من المطار القديم الى الشاتو في حدود ربع ساعة الى 20 دقيقه والجديد من نص ساعه وحول واحيانا اقل اذا كان الطريق فاضي وبالنسبة للمترو شغلة محطات يوقف فيها ويعل كبدك من زحمته وتسحيب الشنط والمحطة كم رقمها علما ان عند الشاتو محطة قريبة الحقيقة ما اعرف رقمها تحياتي لك ولا تحرمني من دعواتك
اذا عددكم قليل وشنطكم خفيفه فالمترو اوفر (انا وزوجتي وطفلي اقل من سنه استخدمنا المترو) و اذا العكس اخذو تاكسي اريح وتقدرون تسألون في المطار عن الرير او المترو وراح يساعدونكم بس اكتب عنوان الفندق واسم محطات المترو وراح يساعدونك ويدلونك تقدر تاخذون باصات في المطار توصلكم لأقرب محطة مترو وتروحون للفندق بالمترو او تشتري تذكرة الرير الازرق B الى ان تصل الى محطةChatelet وتبدل تاخذ المترو الاصفر رقم 1 بأتجاه اللاديفانس وتنزل في محطة فرانكلين روزفت او جورج سانك من محطة جورج سانك بعد ماتطلع من المحطة خلي قوس النصر وراك وادخل مع شارع جورج سانك (فوكيت بزاوية الشارع) وامشي شويه بيجيك شارع ضيق على اليسار لاتدخل فيه اللي بعده على طول شارع كبير شويه على اليسار طبعا ادخل في الشارع وبتلقى فيه محلات تجاريه ومطعم العجمي على يسارك في نفس الشارع وفي اخر الشارع بالزاويه اليسار مقهى لونه احمر وبالزاويه اليمين محل كارتير والزاويه المقابل لمحل كارتير بتشوف شاتو وترى الوصف طويل لكن الوصول للفندق سهل جدا ومن محطة فرانكلين روزفلت امشي على امتداد الشانز كأنك بتروح قوس النصر وبتلقى بيتزا بينو على يسارك وامش لحد مايجيك شارع على اليسار بالزاويه تشوف خطوط الطيران الإيراني ادخل في الشارع وامش على طول وبتلقى فيه مقاهي ومطاعم يمين ويسار الشارع اول تقاطع بتلقى على يمينك المقهى الاحمر ويسارك فندق باور وبالزاويه المقابله فندق شاتو ومحل كارتير اذا بتاخذ تاكسي اطبع الوصف اللي عطيتك للفندق بيساعدك في الوصول للفندق حتى وانت في باريس مع تمنياتي لك برحلة سعيدة الى باريس الجميله..
ومن المطار الى الأوتيل ، تقريباً 45 دقيقه مع الزحمه