أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
من اللي يستطيع يفيدني بخصوص فنادق في باريس في الشانزليزيه أسعارها معقولة وفيها نادي للتمارين وقريبه لأهم الأماكن السياحية
ولو قلت برنامج سياحي لمدة 5 أيام وش الأماكن السياحية وطريقة الذهاب لها
مسائك سعيد اغلب الفنادق اللي على الشانز غاليه كتير بس الفنادق اللي قريبه منه اسعارها معقوله وتلقى شي نظيف تقريبا من 300 يورو وتحت لشخصين ومعقوله مو فخمه مره بس حلوه بها السعر والاماكن السياحيه كلها قريبه من الشانز وتروح لها مشي وتستغني عن النادي حق التمارين عندك ياطويل العمر متحف اللوفر باخر شارع الشانز وانت نازل وساحه فاندوم وبرج ايفل ممكن تحرك رجولك وتروح له مشي ولا بالمترو وتنزل عند محطة تراكديروا وفيه كم محطه غيرها تنزل للبرج وكمان عندك باريس قالوري سوق كبير مره بس اذا بغيت تروح كثر الدراهم وكمان الاوبرا وكمان فيه سوق اسمه دي فونس حلو كتير كتير وغالبا مايحطون تخفيضات في نهايه جون بس اذا بغيت تروح انتبه للمغاربه اللي هناك دايما يصير فيه سرق وحركات عربان وكمان دزني لاند بس لازم تروح بتاكسي ولا بالباص ولا القطار والظاهر الدخول ب 50 يورو اذا ماتغيرت الاسعار وكمان بنهايه الشانز فيه فندق الكونكورد من الجهه الثانيه الظاهر الدور 42 فيه قهوه حلوه ورايقه لا يفوتك كوب قهوه فيها لانها تطل على جهة من باريس وطبعا بوسط الشانز قوس النصر تقدر تطلع فوق وتطق لك كم صوره حلوه وكمان واذا انت مطول سير على الحي اللاتيني علشان تشوف علوم القبايل هناك اذكر فيه اكثر من مطعم اذا جيت تدخل يكسرون لك صحن عند الباب ترحيبا بك وايش كمان ايه فيه مطعم عميان اللي يطبخون فيه كلهم عميان واللي يشتغلون بعد والمطعم كله مظلم مافيه ولا لبمه تطلب من المنيو برا ويمسك ايدك واحد من العميان ويجلسك على طاولتك شي روعه اذا بغيت عنوانه حاضرين وايش كمان بالشانز فيه مطعم انتر كت عندهم ستيك روعه كمان بيتزا بينوا جنبه كمان حلوه وكمان مطعم تمقاد المغربي حليو بس غالي ومو على الشانز وكمان فيه محل على الشانز اسمه سيفورا حق عطور كل يوم وانت طالع مر عليهم وتطيب بلاش واذا بغيت تشتري منهم اشوف اسعارهم معقوله وعندهم تغليف مجاني حليو .. وسلامتك ادري اوجعت راسك بس تحمل واي خدمات حاضرين .. ودمت بخير
على شارع داخلى يقع فندق وارويك وقريب من الشانزليزيه خطوات وسع الغرفه 1500 ريال , على نفس الشارع يقع فندق كاليفونيا وروشستر تقريبا الغف 1000 ريال....عن مكاتب الساحه من حيث الموقع ممتاز
كذلك يوجد مطعم اكل بحرى فى الشانزليزيه بحرى اكله محار ممتاز
rochester hotel paris ------- Chateau Frontenac Hotel هذي الاسماء بالانجليزي وانت تعتبر وسط الشانز يعني كل المقاهي حولك والاماكن السياحية ... ( اصل الاستاذ بعدين اسافر مشغول وانا سكرتيره الخاص هاليومين ) ... تحياتي ... scott
اغلب الفنادق اللي على الشانز غاليه كتير بس الفنادق اللي قريبه منه اسعارها معقوله وتلقى شي نظيف تقريبا من 300 يورو وتحت لشخصين ومعقوله مو فخمه مره بس حلوه بها السعر
والاماكن السياحيه كلها قريبه من الشانز وتروح لها مشي وتستغني عن النادي حق التمارين
عندك ياطويل العمر متحف اللوفر باخر شارع الشانز وانت نازل وساحه فاندوم وبرج ايفل ممكن تحرك رجولك وتروح له مشي ولا بالمترو وتنزل عند محطة تراكديروا وفيه كم محطه غيرها تنزل للبرج وكمان عندك باريس قالوري سوق كبير مره بس اذا بغيت تروح كثر الدراهم وكمان الاوبرا وكمان فيه سوق اسمه دي فونس حلو كتير كتير وغالبا مايحطون تخفيضات في نهايه جون بس اذا بغيت تروح انتبه للمغاربه اللي هناك دايما يصير فيه سرق وحركات عربان وكمان دزني لاند بس لازم تروح بتاكسي ولا بالباص ولا القطار
والظاهر الدخول ب 50 يورو اذا ماتغيرت الاسعار وكمان بنهايه الشانز فيه فندق الكونكورد من الجهه الثانيه الظاهر الدور 42 فيه قهوه حلوه ورايقه لا يفوتك كوب قهوه فيها لانها تطل على جهة من باريس وطبعا بوسط الشانز قوس النصر تقدر تطلع فوق وتطق لك كم صوره حلوه وكمان واذا انت مطول سير على الحي اللاتيني علشان تشوف علوم القبايل هناك اذكر فيه اكثر من مطعم اذا جيت تدخل يكسرون لك صحن عند الباب ترحيبا بك
وايش كمان ايه فيه مطعم عميان اللي يطبخون فيه كلهم عميان واللي يشتغلون بعد والمطعم كله مظلم مافيه ولا لبمه تطلب من المنيو برا ويمسك ايدك واحد من العميان ويجلسك على طاولتك شي روعه اذا بغيت عنوانه حاضرين وايش كمان بالشانز فيه مطعم انتر كت عندهم ستيك روعه كمان بيتزا بينوا جنبه كمان حلوه وكمان مطعم تمقاد المغربي حليو بس غالي ومو على الشانز وكمان فيه محل على الشانز اسمه سيفورا حق عطور كل يوم وانت طالع مر عليهم وتطيب بلاش واذا بغيت تشتري منهم اشوف اسعارهم معقوله وعندهم تغليف مجاني حليو ..
وسلامتك ادري اوجعت راسك بس تحمل واي خدمات حاضرين .. ودمت بخير