Ghazi67
01-10-2022 - 07:01 pm
السلام عليكم وأسعد الله أوقاتكم بالطاعات
مباركين هالمطر والأجواء الحلوة والله يكتب لنا منها كل خير
حبايب قلبي .. انا طالع لكوالالمبور نص ديسمبر وابي منكم تشورون علي
هالمرة طالع مع المدام وعندي 5 ايام عمل في العاصمةالماليزية .. و ودي ازيدها كم يوم في رحلة لمنطقة قريبة جبلية او ساحلية نستمتع فيها باجمل المناظر الطبيعية
تكفون أنقذوا اخوكم ..
ترى المدام معتقدة اني خبير في ماليزيا ( ورحلاتي ماتعدت العاصمة لانها رحلات عمل )
شاكر لكم سلفا
حياك الله أخونا الفاضل , والله يجعلها أمطار غيث ورحمة على البلاد والعباد ..
ابشر بما يسرك وراح تصير خبير بإذن الله , ولكن يعتمد على عدد الأيام اللي تقدر تزودها
إذا حاب منطقة جبلية خلابة وهادية أنصحك ب كاميرون هايلاندز وتكفيها ( يومين فقط ) ..
وإذا مدتك تسمح ممكن تخليها جزيرة بينانغ ثم كاميرون ثم العودة لكوالا استعدادا للسفر وتكفيك للمنطقتين ( 5 أيام ) ..
أتمنى لك رحلة موفقة وممتعة بإذن الله ..
أختك .. شموخ