اخوي بالنسبة لسؤالك اللي يتعلق بالطريق ممكن تشوف هالرابط وراح يفيدك ان شاء الله ..
الطريق من الرياض الى دبي بالتفصيل .. https://artravelers.com
هل تنصحوني بزيارة دبي فقط او اذهب الى بعض الأمارات الأخرى . وهل هي قريبة من بعض .
بالتأكيد ننصحك .. يمكنك زيارة مدينة ابوظبي في البداية ومن ثم الاتجاه نحو مدينة العين ومنها الى دبي ثم الشارقة .. والمسافة بين ابوظبي ودبي ومدينة العين تقريبا من 120- 150 كيلو ..
اما الشارقة ودبي مو اكثر من 10 كيلو ..

اسمع يالحبيب
1- تطلع من الجبيل وتمسك خط الدمام وماتدخلها تكمل طريقك إلى الأحساء
2- قبل ماتوصل الأحساء ب 30 كيلو تقريبا ً بتلقى مفرق يطلعك على طريق قطر والإمارات وعمان من دون ماتدخل الأحساء وتقدر طبعا ً تدخل الأحساء وتطلع منها على طريق قطر ( سلوى )
طبعا ً الطريق اللي ماتدخل منه للأحساء أطول من الطريق اللي تدخل به للأحساء لكن دخولك للأحساء يعتمد على معرفتك بالأحساء هل تدل هناك والا لأ
إذا كنت ماتدل بالأحساء وماودك تدخل بالزحمة والدوشة والإشارات فامسك المفرق اللي قبل الأحساء ولو أنه اطول شوي
3- بعد ماتطلع من الأحساء تمسك طريق سلوى حتى توصل إلى قبل منفذ سلوى على الحدود القطرية وتاخذ يمين وطبعا ً اللوحات موجودة على طول الخط
4- بعدها سيدا حتى توصل منفذ البطحاء على الحدود الإماراتية ومنه إلى أبو ظبي وبعدها دبي على نفس الخط
نجي الحين للمسافات
1- الجبيل - الدمام 80 كيلو
2- الدمام - الأحساء 150 كيلو
3- الأحساء - سلوى ( الحدود القطرية ) 150 كيلو
4- سلوى - البطحاء ( الحدود الإماراتية ) 130 كيلو
5- البطحاء - أبو ظبي 350 كيلو
6- أبو ظبي - دبي 150 كيلو
توصل بالسلامة إن شاء الله

بالنسبة للرابط اللي وضعته الأخت الفاضلة حور الإمارات خاص بالطريق من الرياض إلى دبي وأنت تبي تجي من الجبيل يعني مالك علاقة بذلك الطريق

يا خوي سرور والله ماقصرت شرح ولا فيه احسن من كذا
بس يقدر يروح عن طريق الرياض
على حسب الرابط بس يبيله يمدها للرياض وياخذ له كم غرض وبعدين يتبع الرابط
يطلع عليه المشوار دبل

الاخوان
سرور
ryan28
الرابط يحتوي على الطريق من الدمام الى دبي .. يعني اللبيب بالاشارة يفهم ..
الخروج من الرياض باتجاه الدمام .. بعد 333 كم تقريباً يجيك مفرق الهفوف ( الاحساء ) وتجد لوحات مكتوب فيها " قطر - الامارات -عمان " خذ يمين وبعد ما تمشي مسافة يجيك طريق يمين بحيث ما تدخل الاحساء تمسكه وتروح يجيك المطار يمينك ويجيك دوار ولوحة تدلك الطريق اتجه الى قبل سلوى تجيك لوحة مكتوب يمين البطحاء " منفذ الامارات" خذ يمين وكمل طريقك الى الامارات ..

ريان
خوش فكرة بس إذا وصل للرياض ورا مايكمل لمكة ياخذ عمرة بعدين يرجع للامارات
أختي حور الإمارات
الطريق المرفق بالكروكي للقادم من الرياض
أما اللي جاي من الدمام او الجبيل زي الأخ السائل ماله داعي يمكس طريق الرياض لأن المسافة راح تكون مضاعفة عليه والمفروض يمسك طريق الأحساء لأن الوصول للإمارات عن طريق الأحساء بالنسبة لمدن الشرقية أفضل وأقرب من أنه يمسك خط الرياض
عموما ً مانستغني عن خدماتكم الله يحفظكم

السلام عليكم
الأخت حور والأخ سرور وبقية الأخوة الف الف شكر
بصراحه ماقصرتو شرح كافي . . . اسال الله ان يجزيكم خير الجزاء .