انا عندي نفس الإستفسارات اللي قلتي عنها
وانتظر الرد على أحر من الجمر

ام ملاك م
السلام عليكم ورحمة الله وبركاته،،
اختي هونج كونج جزء من الصين كانت تابعة لبريطانيا لكن هي الآن رجعت لصين كدولة ولكن تتكتع بالحكم الذاتي،،
هونج كونج زينة وراقية وهي أرقى من سنغافورا وفيها دزني،، ومن هناك ممكن تروحين للصين ولو كنتوا تحبون التسوق فعليك بكوانزو أما لو بتسافرون لغرض السياحة في اماكن ثانية بالصين نفسها او شوفوا انتوا شنو تفضلون،،
اعرف شباب وايد بعضهم رايحين ويا عوايلهم بيروحون ماليزيا وبعدين هونج كونج
وبعضهم تايلند وهونج كونج
انا باروح ويا العايلة تايلند وماليزيا وكوانزو،،
المكان انتوا تتحددونه على رغباتكم،،
أرجو اني اكون قد افدتك،،
تحياتي

ام ملاك م
طبعاً في مكاتب سياحية بالبحرين بس بتكون أغلى من لو حجزتوا بروحكمبيطلع لكم وايد ارخص سواء التذاكر او الفنادق،،
دمت بود

ولد الرفاع
أوافقك الراي
الواحد يحجز بنفسه أفضل
يا دوبك حجز الفنادق و التذاكر
والباقي بخصوص الاماكن السياحيه نفس الفندق ما راح يقصر
عندهم كتيبات وخرايط
جربت سفرة ماليزيا اخذ المكتب 10آلاف على أيش؟ على الفنادق
و البرنامج السياحي أعطانا اياه بورقه
وبعدين لما يسافر الواحد يبي ياخذ راحته ما يلتزم بوقت معين
هذا من تجربه شخصيه
بالتوفيق للجميع
أم ملاك أنا عند وعدي:wink:

noaimihs
مشكورة حبيبتي
وانا في انتظارج يا قلبي
تسلمين لي
ربي ييسر امورج دنيا واخره قولي امين يا الغالية

ولد الرفاع
مشكور خيو رحم الله والديك

ام ملاك م
ووالديج
حاضرين، وتروحون وترجعون بالسلامة،،،،،

مادري ليش ردوودي موراضين علي تطلع :<
ان شاء الله يووصل الموضوع
بس انا رايحه بإذن الله لماليزيا وتايلند ولحين ماصار اي حجز ،، مجرد اخذ افكاار واحين بصراحه شجعتوني اضم لهم هونج كونج ،، بس شلوون التنقل لها !!!! ومن وين بيكون اسهل من ماليزيا ولا من تاايلند اروحلها !!!!

فرفورة بحرينية
أختي
ممكن الوصول لها عن طريق الطيران
لو حددتي التواريخ،،،،يكون افضل عشان نقدر نساعدج،،،،
وممكن تروحين لها من ماليزيا او من بانكوك،،
رحلتي شبيهة برحلتج
ان شاء الله أقدر أساعدج واضبط لج البرنامج
تحياتي