حنين2145
3- من وين اشتري الهدايا للأهل مثل الغطاوي والجلابيات والعطور والزعفران وشنط بس تكون اسعارها معقولة
سوق نايف انصحك فيه
4- احنا جايين بسيارتنا الخاصة وين اصرف واوفر استخدامها في المشاوير ولا التكاسي ارخص عشان البنزين
لا استخدم سيارتك ترى التكاسي اغلى من البنزين
منتظرة اجاباتكم لانكم دايمن متواجدين وماتقصرون مع الجميع
اتمنى افدتك

1- اللي فهمته من التقارير اللي في المنتدى ان في دبي مول وفندف اتلنتس اكواريوم للاسماك فودي تنصحوني بالافضل وسعر تذاكر كل واحد منها
المعلومة صحيحة، لكن لا أعلم عن تفاصيلها
2-احنا حجزنا في العيد فندقين السلوان وفريزرسويت وشو اقرب سينمات لكل واحد منها
مجمع دبي مارينا هو الأقرب للسلوان، و مجمع مول الإمارات هو الأقرب لأجنحة فريزر
3- من وين اشتري الهدايا للأهل مثل الغطاوي والجلابيات والعطور والزعفران وشنط بس تكون اسعارها معقولة
جميع ما ذكرتي متوفر في المجمعات الكبيرة، مثل مول دبي و مول الإمارات، و قد تكون أسعارها مناسبة أحياناً (وقت التخفيضات) ، بالإضافة إلى سوق نايف و سوق مرشد
4- احنا جايين بسيارتنا الخاصة وين اصرف واوفر استخدامها في المشاوير ولا التكاسي ارخص عشان البنزين
بالتأكيد فإن استخدام سيارتكم الخاصة أوفر لكم من سيارات الأجرة

معلومات مفيدة ..
شكراً للسائل والمجيب

شاكرة لكم تفاعلكم وبانتظار البقية
ياليت تقولون لي وين اروح اكواريوم دبي مول ولا اللي في اتلنتس وكم التذاكر

كلا الاكواريم تستطيعون مشاهدة الاسماك من الخارج بدون ما تدفعون
لكن الاتلانتس لا يستحق ان الواحد يدفع مبلغ لان ما فيه اضافه كبيره عن ما ستشاهده من الخارج وسعرها 150 درهم وبصراحه ما يسوى ما فيه اضافه كبيره - فاحرام هذا المبلغ عليه يعني يكفي من برا
دبي مول ممكن الواحد يدفع 70 درهم للدخول مع اني ما دخلت لكن سوف تشاهدون اشياء اكبر من المعروض للعامه
يعني ممكن تجربونه

شكرا اخوي الفارس على الرد
بس ودي اعرف اي اوكواريوم نركب فيه قارب ونرمي للاسماك طعم شفتها بالمنتدى بس ماني ذاكرة وين

حنين2145
هلا اختي
انا دخلت الاثنين
بس الاحلى اكواريوم دبي مول
ممكن تشوفينه من برا وممكن تدخلين النفق ويكون السمج فوقج وممكن بعد تدخلين حديقة السمج وتشوفين اشكال وانواع السمج وهو يكون اضن في اخر دور وعقب تركبين مركب وتاخذين جولة بسيطه وتاكلين السمج انا وايد استانست هناك بس فطست من ريحة السمج (لان عندي حساسية جيوب انفية شديده وما اتحمل الروايح) وطول الوقت مسكره خشمي

بنت الشيخ زايد
بصراحة استفدت من معلومات بنت زايد والفارس -99
بنسبة لاكورايوم

تسلمين يابنت الشيخ زايد ماقصرتي عطيتيني الرد الشافي بس كم سعر التذاكر