السلام عليكم ورحمة الله وبركاته ..
اعزائي المسافرين العرب ..هذه اول مره اكتب تقرير مفصل عن رحله والسبب لاني مسافر ملول بعيد عنكم ..واشعر بالملل من سرد التفاصيل ...:36_1_37:
لكن هذه المره قررت ان اكتب لاني استفدت كثيرا من المنتدى ..فحبيت اعرض لكم تجربتي مع عائلتي في الرحله البريه ..الى مكه المكرمه لاداء فريضه العمره ..
قررت السفر فجأه الى مكه لاداء فريضه العمره ورحت لخطوط الطيران السعوديه ادور على حجز ...وردوا علي
وينك صح النوم ..مافي حجوزات الى نهاية العطله ..لاحول ولاقوة الا بالله . اشلون يعني نلغي الرحله ... ...ولما اجتمعت مع عائلتي الصغيره قرروا نفسهم بنفسهم انو تكون رحلتنا بريه وبالسياره ...
طيب كيف وانا مسافر ملول ..يالربع غيروا رايكم .. وتقرر يكون موعد الرحله يوم الجمعه بعد صلاة الظهر ...:upset: طيب ماعندكم اختيارات؟:m9:
طبعا مافي قدامي الا القبول والله يكون بعوني تقريبا 1200 كيلوا ..
وهذا الكلام كان يوم الثلاثاء ..رضخت للامر الواقع وقبلت ..خاصه انها للعمره ..وبدات في التجهيز للرحله ..اول خطوه
حجزت الفندق وبعد البحث من منتدى العرب المسافرون ..حجزت فندق اجياد مكه مكارم .غرفتين وحده مزدزجه والثانيه ثلاث سرير المزدوجه 450 والبو 3 اسره 550 ..مع وجبة الافطار .
وسوف اعرض لكم صور الفندق في وقتها .
وبما ان الرحله بريه والمسافه بعيده جدا والوقت بيكون طويل واطفالي الثلاثه ملوليين جدا على ابوهم طالعين الله يبعده عنكم ..قمت بتجهيز وسائل الترفيه التاليه ..
اول شيئ اسطوانات جديده لجهاز عرض الدي في دي للسياره :11_horror وعدد من مجلات سبيس تون
ودفاتر تلوين مع الالوان .. واجهزة الجيم بوي الخاصه فيهم ..والعاب باربي .. وهذا ماسلمنا منهم ..
مع بعض المجلات:icon_stud ورواية اجاثا كريستي للمدام ..
هذي الاشياء الممكنه واللي جات على فكري اذا عندكم يالربع اقتراحات غير افيدوني للرحلات الجايه ..
في يوم الجمعه وبعد ماودعنا الاهل والاقارب وعند الساعه الثالثه انطلقنا من الاحساء متوجهين الى مكه
من الشرق الى الغرب
والاطفال كانو :36_1_33: مبسوطين وكل شيء تمام ..
واصلنا المسير بالسياره يتخللها عدة وقفات بالمحطات للصلاة او للبنزين ..طبعا دورات المياه اللي في المحطات الكبيره لاباس بها وان كانت النظافه :baaa2:
بالنسبه للاطفال الحمد لله انو وسائل الترفيه اللي جهزتها لهم ادت الغرض ..ولو انهم مايخلون من الاسئله الكثيره والمشاحنات فيما بينهم:120: الا انها عدت على خير
وصلنا الى ميقات السيل الكبير في تمام الساعه 2 يعد منتصف الليل وقد اخذ منا التعب والنوم طاقتنا فاستاجرت غرفتين في الميقات سعر الغرفه 20 ريال للساعه واخذت غرفتين 35 للساعه من الساعه 2 الى الساعه 7 صباحا ..
بعدها توجهنا الى مسجد الميقات وعقدنا الاحرام وصلينا في المسجد ..اعذروني لقلة الصور لانو فكري كان مشغول ..وماكنت متفرغ للتصوير كثير
وهذي صور بعد خروجنا من الميقات
وراح اكمل لكم بقية التفاصيل في المره الجايه ..لاني تعبت من الكتابه ...
انتظروني ....